近年特區政府的公共採購及服務判給亂象頻生，公共工程超時超支為人詬病，公共判給法律制度過時，判給過程欠缺透明度，導致公眾無法作出有效監督。社會一直關注第五任行政長官候任人賀一誠，會如何解決目前公共工程、採購及服務判給所面對的問題。直選議員高天賜建議，來屆特區政府應設立網站，公開所有政府部門的開支，以及政府部門與私人企業所簽訂的公共合同，並將合同的價格以及項目的執行率全部公開，將公共判給的透明度提高。
高天賜批評，現時政府處理公共批給合同的做法不負責任，「我身為議員，至今仍然要透過索取資料嘅方式，嚟向政府索取批給合同，而入邊有部分合同，政府唔肯畀我哋，點解唔畀？係唔係唔見得光？呢種做法我唔能夠接受。」他亦強調，網站上所公佈的資料亦應包括自治機構及公共資本企業，「試問一間政府有股份嘅公司，點解可以向財政局攞錢？呢個係十分唔尋常嘅事，但除非睇財政預算案，否則你係任何一個網站都查唔到。另外澳門基金會對社團嘅大額資助，係需要核數嘅，究竟有無做到？
賀一誠於週日（25日）當選成為行政長官候任人，而社會亦開始關注到五司人選的安排，而賀一誠被傳媒問及相關人選問題時就始終「口密」不願透露。高天賜認為，無論是誰當司長，都必須要具有能力，要給予市民一個信心，其人選可以擔當得起司長這個職位。
他亦認為，未來應要有完善的利益迴避及申報制度，增加官員利益的透明度，「官員愈做得高級，就應該要愈清楚知道佢嘅背景，做司長可唔可以做得無私、公平、公正、透明度高，唔會因為你嘅職位，令到你嘅屬下，或者同你有關係嘅公司有著數？我希望賀一誠委任主要官員，一定要好小心，因為行政長官一個人唔係萬能，亦唔係超人，需要團隊去為佢貫徹落實一些精神，以公平公正及負責任嘅態度去交代，而非像過去明明犯錯都不需要承擔責任。」
高天賜亦認為，在本澳這麼細小的地方，若一個人本身接政府很多生意，而本身亦存在利益關係，是不適宜做司長的，「因為你好難迴避得到，澳門咁細，你嘅人際網絡又咁大，利益咁深，係唔適宜做司長。」但他認為，賀一誠十分聰明，應不會委任上述情況的人士來擔任主要官員，「因為咁係捉蟲嘅，咁樣係會影響到行政長官嘅地位同聲譽。希望佢選擇嘅人，可以令市民有信心，透明度要高。」
賀一誠將公共行政改革放在其政綱的首位，高天賜指，事實上從何厚鏵、崔世安一直到賀一誠，其政綱中都有提及要解決職能重疊的問題，「由2004年一至講到今時今日，都係度講要解決職能重疊，但係我哋從來無一個機制去檢視行政長官政綱嘅執行率，一直無履行政綱承諾，究竟呢件事由邊個嚟承擔責任？邊個來問責？當然係行政長官。」
高天賜亦認為，未來的行政長官應遊說立法會主席以及執行委員會成員去修改立法會議員章程，令立法會六個委員會可以「打開門」讓媒體及社會監督，「而家我哋每年都有份工作報告，但入邊隻字不提透明度問題。立法會係人民之家，需要透明度高，立法會閉門造車的話，會令好多澳門市民唔知立法會入邊做緊乜、講乜嘢。」
