只見文記船廠的老闆之一榮叔（張子榮）的汽車剛駛至，船廠一帶的小狗便上前靠近，似是期盼這位昔日的「米飯班主」。船廠一直有養「看門狗」的習慣，到船廠沒生意了，荒廢了，榮叔依然每日來看望小狗。「我養嘅果兩隻死咗喇，但總會返嚟睇下其他，唔能夠由得佢哋唔理。」
船廠已是一片荒蕪。近海邊處開始長出紅樹林。昔日造船刨木的木屑仍在，層層的碎木之下，並不只有一片爛泥灘塗，還有榮叔念茲在茲的兩塊木板。「我哋以前喺船廠地上舖過曬啲木做地基，現在殺到埋身話要拆（船廠），我都想挖返啲泥攞返啲板上嚟。」
那是造船用的木板。船與船廠建於它之上，當年花上心思與希望而奠下，現埋沒於木屑與泥土之中，早已不在視線之內，卻一直在榮叔心中，唯恐推土機「一時疏忽」，被輾成萬段碎片。
文記船廠老闆之一張子榮（榮叔）。相片攝於船廠圍封前，榮叔於自己船廠招牌前留影。©張子榮
半生當船匠 白手興家
榮叔今年60多歲，於路環九澳出生，14歲時出來當學徒，原因也跟當時不少人一樣，「屋企話，你繼續讀書，細佬妹就冇得讀。」本想學電器維修，但搭不上門路，加上澳門「一二．三事件」後百業蕭條，唯獨造船仍有生意，故在路環荔枝碗關恩船廠開始當學徒。「阿爸話：『你仲細，學咗唔鐘意滿師之後可以學其他，而家學住先。』」結果一做，便是大半生。
如果每個造船工人本身都是一個故事，榮叔口述的這個，大約是工匠的「不求人」開拓精神。話說榮叔滿師後曾到香港工作，回來後與朋友合伙，在氹仔開設造船工場，白手興家。「初初七幾年時，啲『水佬』（漁民）唔係咁易信你。佢話：你哋幾個新開檔，裝到咩樣都唔知。」於是只好先以低價吸引生意，逐漸建立口碑。後到八十年代，造船業興旺，不少年輕船匠亦開始自立門戶，卻也做成亂象。「先洗未來錢又有，開咗價做唔掂又有，好多做做下劈炮。啲『水佬』開始又驚。」
縱然如此，憑着良好的信譽，榮叔的船廠生意越來越多，為了擴充，榮叔於是與拍檔合力買下當時荔枝碗的「文記船廠」。「他們（文記船廠）三個拍檔可能有些磨擦，所以賣廠。」那是建造「阿媽號」的幾位老闆。當時的船廠多由幾位船匠合伙經營，各人如何分工，大家如何相處亦是一門學問。「所以『裝船行』有一句口頭禪：千祈唔好同人拍檔，（生意）乜嘢都自己做。」榮叔笑道，「還有『枱棺材都有詏撬，自己托就差唔多。』」
船匠改行開汽車
盼留昔日回憶
但一切已成過去，一手建立的船廠興盛不再，只餘廢墟，昔日的合伙人都已各散東西。榮叔憶述，荔枝碗的船廠在木廠結業後也陸續停工。一來因為造船的部件尺寸繁複，在內地訂購容易費時失事，加上運輸的手續複雜、成本上漲，故不少船廠亦未有繼續營運。船廠的榮景不再，各船匠都已另謀出路。榮叔坦言有想過在內地設廠，但礙於自己性格，故最終未有成事。今日的他是一名的士司機，每日開工前會來到路環，看看船廠的一眾小狗。在船廠被圍封前亦仍每年續交「水位紙」——即使船廠已停工逾十年。
「諗住留到就留。」榮叔苦笑，「不過睇嚟都留唔到。」除了「水位紙」，榮叔一直亦有為船廠交電費，希望有日可把當在埋在船廠的木板挖出，「但而家都係白交電費，佢唔俾我入去，俾我入去挖我都吊唔到啲木出嚟。」
「而家都諗住放棄喇。」
榮叔坦言，希望船廠可以保留，「呢啲廠全部都係由船廠自己一手一腳搭起，就算係冇生意，如果保持到，可以同啲仔女講：呢間船廠養大你。」他亦曾想像這裏可以進駐船匠，教導遊客並展示造船的工藝，保留行業，「喺度造一隻船，或造一隻半成品，啲人嚟到影相，工人造俾佢睇，點樣鋸木刨木，你話幾好！」
但現時船廠的未來不明。政府一直未有公佈規劃。船廠群現時進入待評定狀態，剩下九間船廠的清拆工作都會暫停，但沒有人知道未來的荔枝碗船廠會是如何。「所以政府圍封船廠時，我就把自己的招牌拆了下來，免得被其他人拆。」只見榮叔又是一笑，卻顯得一臉無奈。「唔係啲咩貴重嘢，不過果時自己有時間，用顏料寫出嚟。招牌自己拆好過俾人拆，當係留個紀念啦。」
