【#搵夠辭職】「光輝五年」社文司長譚俊榮急推多項天價工程，老屈保育人士有「既得利益」，又要拆毀多座歷史建築，引起社會強烈反響。議員高天賜表示，多項工程未有圖則就先要拆樓，情況非常奇怪。「唔怪得市民會懷疑政府有陰謀，點解無端端效率咁高呢？」他質疑，譚俊榮故意圖利工程公司，「快啲拆就可以快啲收首期」。又認為，譚俊榮身為社文司長，卻保護文物不力，令特區政府的利益和形象受損，需要承擔政治責任，他促請特首崔世安啟動問責機制。
他認為，現屆政府的剩餘任期不多，司級官員將大執位，所以「個個高官有嘢就要擸走，不顧後果。令市民覺得現時的官員是和尚擔遮──無法無天。」他又批評，譚俊榮為達到政治目的惜挑起社會矛盾，讓保育人士和普通市民對立起來。
高天賜覺得，現屆政府官員對保護文物的底線一再衝破，很多應該受保護的卻遭破壞。他說，愛都的設計出自名家手筆，不明白政府為何一定要將其全面拆毀，不能保留立面。「點解唔可以做多少少保留呢？呢啲嘢破壞咗就唔會再有第二嚿出嚟。」
高天賜指出，山頂傳染病大樓計劃一直都備受爭議，但譚俊榮聲稱只有「一小撮人」反對，後來大部分議員都反對山頂選址，建議改在離島醫院興建，但他仍然一意孤行，漠視民意。「好多時政府已經有內部決定，咁不如以後唔好做咁多馬騮戲，唔好玩我哋澳門市民啦，你自己覺得點去做咪做到夠，有事就自己負責。」
【延伸閱讀 | 摘自 正報】
http://www.chengpou.com.mo/cp-page/?d=67929
傳染病大樓環評報告 諱莫如深
澳環評要求太落後
政府項目「地位超然」？
山頂醫院應否不斷擴容？
山頂傳染病大樓企硬
世安：堅持投資！絕不後悔！
http://goo.gl/QJ5Io5
特首力撐光輝五年
吳國昌︰係咪應承左承判商啲乜嘢？
