鄭明軒（澳廣視電視畫面）
「關生，唔係有著數才依法施政！如果工務局以歷史、文化、環保嘅理由唔批，等唔等於依法施政？到時你係咪仲會堅決支持？」
今日《澳門論壇》討論路環超高樓問題，台上台下都有人力撐政府「依法批則」、發展商「依法挖山」，新澳門學社理事長鄭明軒挑機逐點駁。「剛剛有位前輩說發展何必咁市儈？發展係有好多面向，低密度發展、生態發展、作為旅遊資源也是發展，挖開個山起100米高只係最市儈既發展方式。」
有傳生態學會會長何偉添三年前曾為叠石塘山發展商服務，鄭明軒請何先「利申」以正視聽，「何生，你係呢件事上面有無利益衝突？好應該先向在座各位講清楚，再用環保身份發言。」
「青洲婆婆（青洲坊會副理事長陳鳳），我地好敬佩你！青洲已失去一個全面保育的機會，但這不是全部山都要開發的理由。亡羊要補牢，青洲已是一個先例，現在更應該保護叠石塘山。」鄭明軒重申路環僅餘的鄉郊地區是澳門的瑰寶，一旦破壞便無法回頭，社會應深思「係咪一定要用到盡、殺雞取卵？」
