運輸工務司司長羅立文今日受訪
即將從十年任期退下的運輸工務司司長羅立文稱，自己與團隊已盡力在任內將承諾工作完成接近九成，是任內最開心的政績，「差唔多九九十十，唔係七七八八。」問到最難忘的事，他則稱，被立法會和傳媒不理性、不合理地「成日鬧」是最難忘，十年來街上遇到市民多數支持他工作，未見過一個市民批評他，至多只是不出聲，「唔好話鬧，黑口黑面我都未見過。」
羅立文在今（8）日公益百萬行活動上受訪，對十年工作總結。他表示，工作表現做得好或不好，應由社會大眾總結評估，十年來只是與同事一起儘量服務好澳門。在政府公佈候任司長人選後，翌日已著手與其交接工作。
羅立文：我哋做咗百分之九十
問到對輕軌項目有何看法，羅立文則稱，十年前回澳接手輕軌項目時「淨係得幾條柱」，現時已完成承諾的九成工作，包括氹仔線、媽閣線、石排灣線等，「我哋應承嘅嘢差唔多做曬，我哋無做百分之一百，但信得過我哋做咗百分之九十。」他又感謝運輸工務範疇三千多名同事的付出。
問到十年來最難忘是什麼，他直言「你哋（傳媒）囉！」最難忘是傳媒和立法會「成日鬧」。「係又鬧，唔係又鬧，好多唔理性嘅、唔合理嘅鬧，成日都鬧媒體同立法會係最難嘅。」
市民又是否「鬧」羅司？他則馬上回應，十年來在街上未見過市民對他投訴不滿，多是支持他工作，不是像立法會和傳媒所稱運輸工務範疇受盡市民批評。「我未試過十年來一個市民同我，唔好話鬧，黑口黑面我都未見過。一係就唔出聲，一係就支持我。我喺街嗰度未見過一個市民同我投訴。⋯⋯所以呢樣嘢好得意㗎，所以我見人喺街，我唔識得啲人，同你哋喺報紙同埋立法會呢，係完全兩個唔同嘅世界，一個黑色、一個白色。」
而問到最開心事是什麼，他又再次表示與三千多位同事做好任期內近全部工作就是最高興，包括5G、經屋、社屋、輕軌、醫院等。未來退休想做的事就是「行街、讀書」。
