K現於台灣就讀碩士，即將完成學位。正思索日後出路的他決定先回澳幾個月再作打算，然而當見證了特區政府就修改兩選舉法的所作所為，似乎誓要將小城政治環境尚餘的微薄自由空氣也一併抽乾抽淨，K更決心在完成學業後會移民，離開澳門。
年青世代面對疫後本澳民生狀況倒退、政治環境變遷，除了感到失望，K更坦言是在認清這地各種荒謬事後，再也無力抱持改變局勢的妄想。
面對小城民生、經濟、政治面向的各種糾纏事，他認為最好便是就此告別，能走多遠便多遠，長居他方。
年青世代離開的理由是什麼？他／她們對小城的觀察和絕望又是什麼？ 即使離開，如何找可行的路？K與本媒分享成長以來在小城倍感不忿又無法動彈的因由。
年青K坦言，自己在認清本澳各種荒謬事後，再也無力抱持改變局勢的妄想。資料圖片
無法長出希望的土壤
K自小在小城成長，即使在外地亦有另一種無力感，但K直言在澳「完全冇希望」。
曾自稱相當天真的K早早便關注時事及參與社會運動，相信只要行動就有改變壞局勢的可能。其後，K於大學修讀人文科系，曾幻想過學成回澳後利用所長，挹注力量改變本澳人文環境，同時嘗試緩解自己對社會的焦慮。
後來，他覺得自己被無力感淹過頭，「就連呢啲嘢（讀書及改善本澳環境）都已經覺得，自己唔知為咗啲乜而做。」
K也曾對自己種種不滿情緒感疑惑，認為或與自己離澳太久有關。「我喺出面居住再返嚟，發現有個好大區別係，覺得喺澳門大家唔當對方係人咁樣，大家少咗對他人嘅尊重，人與人間相處冇咗一種細膩嘅關係。
可能係澳門缺乏某種人文嘅概念，文化中亦無法尊重他人是一個獨立的人格。澳門的人文、文化、政治、經濟上（各方面）相關，顯然都出咗事。
我改變唔到啦，（澳門）無可能畀你一個好嘅人文或文化環境。你離開咗澳門就發現原來可以唔係咁生活。只要你有這個機會，你就唔會想咁樣生活。」
K所指的澳門社會，是滯後的、有待啟發的、不夠文明的，要在澳門討論某些議題，會變成極端的歧視或是難以想像的後果，例如性小眾、性別話題、精神疾病或障礙等話題。
「你感覺社會係未開始走向進步。雖然有一個講法係，澳門無產生呢啲嘢嘅土壤。澳門一方面未去開啟呢個變得文明嘅進程，而同時威權已滲透喺你生活入邊。」
面向國家的小城
這一切澳門年青世代感受到的壓抑，是由什麼造成？不只是整個政治環境，所謂的經濟發展蓬勃更近似吹噓，政經實況讓他／她們卻步 。
現時澳門經濟發展急切與大灣區融合，K坦言自己無法適應這狀態下的「新澳門」，亦可預視「未來澳門整個政經及民生都趨向內地化。我唔想喺度生活。最單純係生活質素會下降，唔需要討論『民主』、『自由』呢類抽空概念，只係好基本嘅生活水平問題。」
他又指，有人相信一旦澳門同內地融合後，國家會向澳門提供資源，「但如果澳門變成國家嘅普通城鎮，中國普遍城鎮嘅整個發展水平或福利都遠低於澳門，係好現實嘅問題。」
K認為，在澳門的規則是，只要願意表忠愛國就一定有錢賺，但前提是澳門的施政方向永遠要與中央政策一致。一旦在國家政策與地方民生需求發生衝突時，特區政府就不一定會選擇站在居民一方，而疫情時期本澳經濟慘況便是一例。「總有一天澳門政府會犧牲澳門人，只係時間問題，很難有希望。」
K介紹他的拿手好菜紅酒燉牛肉，另配焦糖紅蘿蔔、薯蓉和烤洋蔥蘑菇煙肉。
租金高 有志難伸
問到K今後有什麼打算？在外地以何謀生？
原來K今後打算開一間私房菜館，經多方面評估，他認為自己很難在澳門實現抱負，租金太貴是原因之一，市場亦小，而現時本澳消費習慣正往內地外移，這也促使他更堅決想離開澳門生活。
「我自己身邊好多朋友係利用政府免息貸款，有啲人係賭場做完嘢拎一舊錢出嚟，可能幾十萬去創業，最尾（生意）死咗。好多人都捱唔到過去，啱啱好有一個、兩個，得咗，但好多人都捱不到落去⋯⋯其實澳門消費外移到內地，係幾乎係被注定的。有人會以為澳門同內地一樣，係因為疫情所以澳門經濟唔好、中國經濟不好，但其實疫情只不過係畀人㩒咗個『暫停』掣，經濟下滑係即將要發生嘅事情。」
K在成年後，也曾利用他手上的選票，投出理想的民意代表入議會，惟二〇二一年的「DQ事件」讓他意識到選舉和投票沒有意義。
「當我睇到制度，一開始直選議席就冇可能超過間選及委任加起來嘅總數， 已經開始質疑咁樣做（選票）都冇用。但你至少有投票權，咪投下囉 ，三個（民主派議員）求其揀一個。」
另一道出自K雙手的好菜，低溫台灣黑豬梅花配韮菜花加薯蓉，配搭客家桔醬及濃縮巴沙米醋。以K的廚藝技巧開食店可謂是信心保證。
有得選 但只得籮底橙？
現時當局修兩選舉法，強制綁定議員即使在處理民生事務的前提都必須符合「擁護」、「效忠」、「愛國」等等官方定義，先要充分支持黨與國家，然後才有機會再去服務民意。K直言對澳門政治局勢完全不懷希望。
「畢竟議員係代表民意，某意義上反映的更多是民生事務，唔係單純政治事務，更難有希望。
大家預設國家會照顧你（本澳居民），主動了解你需要，幫你解決問題，但如果選議員時say no 嘅空間無咗，當國家政策可能與個人有衝突時，你無得投票就無得同佢講：『我唔想咁樣做。』除非你好相信國家連咁個人嘅願望都照顧埋。」
或者有人認為如何修改兩法都無所謂，但對K而言，是次修法讓原來一點點尚存的改革、變好的希望都沒有了。「其實我覺得係完全冇希望，一丁點希望都冇。我之前未認真去爬梳過（修兩法資訊），唔會特登搵嚟睇，搵嚟睇完又點啫？你明知佢（當局）係想玩嘢，好似我哋再做任何嘢都唔會（對修法）有影響。」
他又表示，原本即使屬意的人入了議會力量都有限，能改變的亦很少，「現在更加不用說，連基本的發聲都沒有。」
未竟的公民社會 由0到1的行動 以選票說「不 」
澳門的公民社會一直以來被形容沉寂無聲，但過去亦曾出現過幾次機會，讓人以為可持續下去，社會有覺醒的一日。
但K發現，多年後回到澳門，最詫異的就是大部分澳門人完全不知道、也不關心外地迴響很大、他重視的事情。
在澳門不單止無法選屬意議員，就連正常的新聞媒體都沒有，如早前在Twitter 如火如荼的「白紙運動」，竟未見本地媒體有關注。「以前可能『有線中國組』會報，而家換咗中國組就冇啦。根本就冇一個網絡媒體、平台會報道呢啲事出嚟，主流新聞媒體更加唔會討論⋯⋯有一種幾強嘅疏離感。」他坦言。
雖然選舉遊戲規則將改變，問到K會否再回澳投票時，他仍肯定地回答：「只要呢套表演下有一個人說『不』，就已有很大影響力，是由0到1嘅改變。
既然佢（當局）都親口話個人投白票唔犯法。咁我咪專登返黎投票畀佢知道，『喂，有人真係唔係咁諗（非支持修法）。』我都無其他方法表達意見了。」
