一條輕軌燒著半個黑沙環，搞到民怨沸騰！有居民報料，上星期民眾建澳聯盟屬下的「澳門民生網」亦辦了個輕軌路線網上投票，短短幾日便有兩萬幾人參加，九成人都支持沿海方案。但懸疑的是，這項投票近日卻悄悄「被消失」！(見圖)
民建聯理事長施家倫回應傳媒查詢時解釋，網上投票進行了三日便發現有問題，「有人投咗一票勞動節街，(自動) 就有兩票投沿海線。」故即時停止投票活動，現正追查原因。( 記者追問：被黑客入侵？)「係啦係啦……」(有無報警處理？)「係係係……」施家倫強調網上投票只是一個市民表達意見的平台，「無公信力但就驚引起誤會，所以就停咗」。輕軌走線網上投票稍後會重新展開，但之前二萬幾票作廢。
施家倫重申自己無預設立場，對輕軌三方案未有取向，但認為勞動節走線可以走地底。除了諮詢會外，他又建議政府更多渠道收集民意，例如網上投票等。
被問及會否擔心搞「網上公投」同「民間公投」一樣惹人非議？他就話：「唔擔心！我無冠名『公投』兩個字就唔會擔心，呢兩個字唔係我哋澳門人可以用。」
