工聯副理事長蔡錦富回應記者提問。
早前有外僱投訴僱主欠薪3個月，工聯副理事長蔡錦富表示，工聯亦收到本地人遭受薪的個案，該等個案雖不是經常性發生，政府亦應加強監管欠薪問題以免日後出現更多同樣個案。
蔡錦富在今（13）日受訪時表示，疫情下，有些本地企業要求本地僱員出一半薪金或三分之一的薪水，「唔同情況都有，我哋都收到一啲到而家只出咗上半年嘅糧（的個案），可能拖兩個月或一個月。」
他又表示，據工聯所了解，有些僱員了解並體諒僱主的情況，「但係僱員始終都要生活，拖得比較耐，就會嚟到工聯求助，希望同僱主溝通。」
蔡錦富指出，通常經過工會的介入，在與僱主溝通後，僱主或會先支付一部分欠薪，「都仲有啲欠，咁僱員都理解嘅，又唔係無工開。都係有工開，只不過出糧遲一個月或兩個月嘅情況。」
問及工聯所接到投訴個案是否屬惡意欠薪時，蔡錦富則表示，工會無辦法第一時間判斷是否惡意，「要睇番整個的經營狀況，又不是經常性，所以有啲僱員都理解。」
蔡錦富又稱，工聯接到的欠薪投訴個案非經常性發生的，「反而真係因為疫情，突然拖咗，咁僱員都理解、都等得。」對於欠薪問題，他認為政府須加強監管以免日後出現更多個案。
