【施政辯論】日前建設辦刊登第四通道工程招標公告，最長工期連同設計合共1440個工作天，將在明年2月27日截標。在立法會運輸工務領域施政辯論中，多名議員都關注到興建第四通道的情況。其中直選議員區錦新就指，當初社會討論到第四通道時，大部分意見都認同要以隧道方式興建，以解決惡劣天氣通行的問題，但最終政府決定興建橋樑，但之後政府卻又提出以隧道形式興建第五通道。他認為，其實以隧道形式興建第四通道就可以解決惡劣天氣通行的問題，「根本唔使再諗第五通道，呢個係搵工夫嚟做，究竟個邏輯係點？我唔知。」
他又提到，第四通道與輕軌東線各有各做，若將輕軌東線與第四通道連接，可以節省許多成本，「我唔明政府點諗，係咪真係有啲人話唔開多啲工程點賺到錢？我唔係好明白。」
運輸工務司司長羅立文就反駁區錦新指，早在2015年底已到立法會解釋政府已決定以橋樑形式建第四通道，「你忘記咗？而家你就話我哋私私縮縮，2015年尾已經講咗。」他又認為區錦新所言有很大問題，指他批評的問題全部集中在運輸工務司未做、做得慢的東西，「或者你代表嗰幾個人好鐘意聽你咁講，但今日有12個部門係度，我覺得我哋唔係咁差、唔係咁衰、唔係咁蠢，你永遠唔會話我哋做嘢OK，話我哋做得好、做得慢嘅就會講。」
