青州坊大廈經屋家團苦等15年仍未能上樓，今日下午在塔石廣場發起遊行，並到政府總部遞信，有家團代表說，現時三分之二的人工用作交租，還要不斷面對業主的迫遷壓力，要求政府確保輪候家團今年內上樓。遊行代表聲稱約 200人參與；治安警稱，高峰時共 140人參與。
家團代表鍾女士表示︰「相信政府，結果等咗十幾年都係上唔到樓，甚至有啲老人家過咗身都係等唔到上樓。」她說，在等候上樓期間需要租屋，但經常面臨迫遷，政府亦沒有為他們提供補貼，生活面臨窘境，坦言對政府已失去信心，又質疑政府以颱風為藉口，將上樓時間一拖再拖。
李女士則說，從沒想過自己會出來遊行，一直只是等政府安排。「你試過俾人迫遷，搵唔到樓未啊？你試過細路仔無地方住未啊？我哋就全部都經歷緊。」她要求政府交出明確的上樓時間，「相信咗政府十幾年，但得到的結果仍然只有等待。係咪可以繼續相信政府呢？我哋真係好徬徨和無奈。」
呂女士表示，青洲坊業主苦候上車期間，大多租住私樓。十多年來，她的住屋租金由月租1,200元不斷飆升至現時的8,500元，「三分之二的人工用咗嚟交租！」當年樓價開始飆升，有打算買樓，但收到政府通知有得上樓，「跟住就唔買，然後等政府，結果30萬唔買，60萬唔買，依家等到幾百萬一個單位，根本上就買唔起！」她反問︰「有咩樓要起十幾年？我唔明呢個係咩政府！我哋對呢個政府係失去信心！」
呂女士說，最近業主又要收樓，被迫到搬到租金較平的坦洲，要工作居住兩邊走。她批評政府只關心商家建豪宅、賭場和酒店，但不理會居民的安居問題。
