(資料圖片)
立法會全體大會今日辯論由議員李靜儀提出的「政府應立即開展社屋申請，並落實設立社屋申請恒常機制」辯題。議員麥瑞權發言時表示，澳門回歸前的社經屋「冇人租冇人買」，質疑澳門現時是否有需要設立社屋申請恆常機制，會否因此而架床疊屋，有違精兵簡政的施政理念。
「一帶一路之後，(澳門)啲人都走曬出去搵食啦！咁澳門仲邊有人住呢？同城化之後，去曬橫琴個邊搵食，又賺到錢，咁個(住屋)需求係咪變化咗呢？」麥瑞權認為，政府應該要先做好房屋需求調查研究，從而推算出澳門有冇需求，「恆唔恆常係市場去決定，係需求去決定，但邊個知道有幾多需求就必須要做實證調查研究，咁樣先係科學施政。」
運輸工務司司長羅立文回應指，公屋需求研究報告可在今年 9月，最遲 10月完成。
