船的四周已被圍封，船上亦長滿雜草青苔。
行過路過，荔枝碗船廠出品，竟就在我們身邊﹖據本地船匠談錦全憶述，澳門旅遊塔下的西式木船，正是由本地一班船匠親手建造。唯現時該船已長滿雜草，旅遊塔回覆《論盡》查詢時表示，該設施已經封閉，並將會被新的觀光設施取代。
據悉，該船於旅遊塔落成初期開始對外開放，故推敲其建造年份大約是2001年前後。當年有份參與建造此船的工匠之一談錦全表示，該船船款屬西式，有別於以往他們常建造的漁船。「呢啲都比較複雜少少。呢隻船上有啲花紋裝飾，比較耗功夫。」而據他記憶，當時大約有十多個工匠一同建造此船，歷時約兩個月。「佢仲有啲帆、繩索要做埋，唔係剩係木殼，仲有好多濕濕碎碎好多嘢。」「佢個設計係諗住俾啲小朋友，俾啲人去玩咁。」
據悉，該船當年由荔枝碗一間船廠承接，並在荔枝碗的「新鴻號」開料，然後於觀光塔旁就地建造。「隻船擺喺度，起初意思是俾人入去。佢執邊有道門，開得俾人行入去，俾啲細路行入去玩。點知造完後開放冇耐，就咁放喺度。而家又冇去理佢，而家好似喺度荒廢咗。」
有關此船，《論盡》曾去信旅遊塔公關部希望了解，例如由哪間船廠承接，建造年份等，唯旅遊塔之公關只簡單回覆：「位於澳門旅遊塔側的木船裝置是按照葡萄牙古代帆船而仿製，旨在重塑當年葡萄牙人登陸澳門的歷史，在澳門旅遊塔開幕初期開放予公眾參觀。現時，該設施已經封閉，並將會被新的觀光設施取代，期待為旅客帶來更多元化的旅遊體驗。」記者到旅遊塔現場觀察，發現該船船上現已長滿雜草。
對於當年作品被圍封，遊人再未能走近接觸，談錦全坦言覺得非常可惜。「船嘅價值就係表現造船手藝，同埋俾人去欣賞。你做咗啲嘢又唔愛嚟用，咁梗係可惜。你做咗出嚟有人用，有人打理，你每年維修吓佢，佢唔會咁快殘舊。」又認為現時可讓人接觸真實大小船隻，欣賞造船工藝的機會並不多。談錦全近年亦努力在荔枝碗製作模型木船，讓公眾了解傳統造船手藝。「要有人去推廣呢樣嘢。推廣要財力物力，唔係只係人力。我哋去做，做得到就去做，就係咁解。」
