資料圖片
在運輸工務領域施政辯論上，直選議員鄭安庭再度提到海一居事件，指他曾在行政法務、經濟財政、保安、社會文化領域施政辯論上提及海一居及《土地法》，但對上述四司的回覆均感到無可奈何。他又提及司長羅立文昨日提到「依法施政」四個字，但新《土地法》存在政治問題，「即使明知係惡法，都只能係『惡法施政』！究竟係《土地法》有問題？還是跨部門協作出錯？抑或係立法原意、技術上出錯？」
鄭安庭促請政府及立法會要公開新《土地法》的立法原意，公開當時立法會一常會審議法案時的錄音，「如果立法原意公開咗之後係要收樓的話，政府對於小業主有乜嘢保障？如果唔係要收地，政府點樣去拆彈，解封海一居，俾佢重新起樓，令小業主可以早日上樓？」又重申自己今次對海一居事件「窮追猛打」並非受任何人指示，「包括陳明金議員都無指示我做呢樣嘢。」
聽罷鄭安庭的「提問」，運輸工務司司長羅立文顯得十分無奈，「咁多人（司長）講咁多嘢，我排第尾無乜補充。海一居同《土地法》我講咗唔少次，你想我加啲乜？」又謂「大家都係人，羅立文可以有個人諗法。但係作為（運輸工務司）司長，我關於海一居嘅嘢全部都講哂，無乜補充。」
