直選議員麥瑞權再次語出驚人，大讚司長黃少澤的形象非常正面，有「暖男」形象。指過往警隊給予人們的印象是「好仔唔當兵」，「一當兵就嫖賭飲蕩吹都齊，老婆都叫老公唔好去（當差），驚佢學壞。」但他笑言，黃少澤不單經常到街市買餸，仲好孝順父母，「你就同以前啲武將唔同，你呢啲就叫暖男。如果搵老公唔搵呢啲，搵邊啲呢？」
麥瑞權向司長獻計，希望黃少澤可以親身上陣拍攝宣傳片招募警員，以正面形象吸引更多人報考警員：「如果你肯係宣傳片上面做招募呢，我諗就好多人嚟啦，分分鐘多過公務員添。啲女仔見到司長同屬下司警治安警個個都咁威，又文又武。咁搞法，警隊嘅形象只會愈來愈好。點解你唔去做吓呢樣嘢？」
面對麥瑞權不斷的「擦鞋」攻勢，「暖男」司長黃少澤的回應則比較謙虛，指保安範疇屬下絕大部分同事都十分顧家、孝順，「我係一個好普通嘅人，做形象大使唔係好合適。」
