圖片：新聞局
回水大遊行後一直「潛水」、當無件事發生嘅特首崔世安，今日透過新聞局發佈一條微服打乒乓嘅片段。世安近年患上痛風，健康狀況備受外界關注，出席公開活動都儘量速戰速決，免佢腳痛站得太久，成功連任後世安去年亦無按慣例落區聽民意。最近一次露面是5月11日在澳門蛋回應「失億」事件，記者現場觀察佢行路仲係趷下趷下。
但見佢今日專程到蓮峰小露一手，有板有眼，一邊同行政會發言人梁慶庭吹水一邊打乒乓毫不吃力，旁邊觀戰嘅街坊頻頻高呼：好波！得喎！ 最後一下反手打個大斜角成功得分，更是全場起哄，牽起小高潮。鏡頭一轉，同世安對打嘅健將可能辛苦少少，全程不斷左撲右撲喂波。
話說，今日不單是2016世界挑戰日，仲係525反離補遊行兩周年。暨大一億事件至今，政府對改革澳基會的民間訴求依然是零回應。
【我們正在群眾募資】
#支持論盡走下去！新聞自由是靠全民來維護的。
馬上支持：http://bit.ly/aam-funding
