有檔主用水槍清潔雞檔
年關將至，政府昨晚突然宣佈在街市驗出H7禽流感病毒，全澳停售活雞3日。雖然今早臨時沙梨頭街市與平常一樣人山人海，但不少市民到禽檔買雞時，才發現已無活雞買。雞檔檔主無雞可賣，則忙於用水槍清洗檔攤。有檔主表示，以往每日可賣出100多隻雞，約有2千至3千元收入，原本預計新年期間銷量會上升。但停售期間無得做生意，預計要蝕過萬元，損失慘重。亦有雞販指，未知何時才會有活雞供應，暫時未收到消息指政府會補貼或賠償業界損失，下午會開會商討。
對於政府打算將來以冰鮮雞取代活禽，有檔主表示反對，指永久停售活禽會嚴重影響生計，又指內地屠宰場的衛生水平差，冰鮮雞的安全性成疑。而在雞檔附近售賣豬肉的檔販表示，不擔心禽流感會影響生意及健康，「無雞食咪食豬肉囉！」
水上街市售買禽隻的檔攤空無一人
有市民昨日在被驗出禽流感病毒的檔口買了兩隻雞，今日專程來「睇睇係咪嗰檔」，指昨晚全家人都有進食雞隻，之後孫子就出現發燒等症狀，擔心與禽流感有關，幸好醫生診斷後稱只是普通感冒。但她仍然擔心雞隻帶有病毒，打算將另一隻雞丟掉。亦有市民指，今早到街市打算買雞過年，但來到才知沒有雞賣，坦言不知道政府停售活雞。但她指，不會選擇購買冰鮮雞，「新年無雞食唔緊要，食第二樣嘢囉。」
政府昨晚宣布停售活雞後，民署人員隨即在南粵批發市場銷毀萬五隻活雞。
