【跟車太貼】「我不主張修法，法律不知行得幾好！議員話抵觸《基本法》，究竟係邊一條邊一段有抵觸？」之前係立法會氣勢如雄，抨擊政府收回到期批租地係「充公私有財產」、「只有獨裁政權才會這樣做」既官委議員唐曉晴，今早在「澳門講場」面對聽眾追問即時打退堂鼓，解釋「我個人認為當日既表達唔係咁…..」唐唐又話之後會將整篇發言內容公開。
未知是否日前中聯辦主任李剛發話「撥亂反正」，今日唐唐雖然仍主張應該修法，但明顯語氣放軟了不少：「唔係土地法立得唔好，唔係要推翻，呢頂帽笠得太大！唔係要放生其他閒置地，邊有人夠膽敢做？大家可以唔使咁對立，唔叫修法，可以叫『釋法』者…… 」
他重申，消費者係相信政府的制度、「政府提供公信力」才會買樓花，所以政府有保障的責任。修法、增設過渡條款只係想「處理當時立法遺留既一些問題」，至於這些「遺留問題」涉及多少幅土地？他並沒有詳述。
唐唐又誓神劈願話「就算修法都唔會亂修，不會將不公義的情況綑綁」，直選議員關翠杏就多次提出，主張修法的人應先講清楚究竟要修甚麼、放到邊？身為法律專家既唐唐始終沒法講清楚，只稱相信會有方案可以幫到海一居但又不影響政府依法收回其他閒置地，但轉頭又話最後修法草案未必係佢寫。
