【帶頭捐身家！】「20歲開始，7年後、10年後就想要攞到公屋，我諗除咗軒轅皇帝的年代，或者非洲隨便搭間屋之外，全世界無一個政府可以做得到！」間選議員張立群心痛政府日日俾市民鬧，今日相當勞氣，批評澳門人乜都靠政府，又盛讚澳門政府在醫療、教育、養老等方面已經做得很好。
張立群不點名批評，很多議員經常指有三、四萬人有經屋需求，但實際上有多少水份？他指，澳門現時有19萬個住宅單位，「一間屋住四個人，都五十幾萬啦！咁係咪真係仲差咁多屋呢？」
伸手派！咁既仔不如唔好生！
「如果一個人生個仔，日日都要問政府攞屋攞地，我覺得呢個仔都唔要得啦！」他又指，現時人人結婚生仔買車買樓都想政府包底，但很多港澳富豪都是窮人出身，但從來沒有要求過政府解決他住屋問題。外國的父母等子女18歲就要他們自立生活，Facebook創辦人扎克伯格寧願捐身家都唔留給家人，澳門應該學習這種社會風氣。
間選 (僱主利益) 議員高開賢亦不滿政府「淨係掛住起公屋」，質疑究竟需要係咪咁大？「唔係社會猛咁係度嗌，政府就猛咁起！城市發展唔係淨係起公屋，其他商業配套、美化舊區、增加旅遊景點、改善營商環境都好重要！政府又話發展產業多元化，但工廈不足，倉庫又唔夠，咁叫物流業點發展？」
澳人澳地 後患無窮？
張立群認為「澳人澳地」是故步自封的想法，「香港都只係賣得一兩幅，就無繼續做落去，點解我哋淨係執著澳門人利益？我地係咪需要人哋既支持，澳門先有今日呢？如果大陸搞個『國人國地』，大陸不准來澳門投資，連旅遊都唔黎得，咁澳門點呢？如果係咁的話，政府會後患無窮，邊個做官都唔掂！邊個官員敢講20歲就可以攞樓？」
他又批評澳門人只懂向政府要福利，卻少少事都不願忍讓。例如賽車場因噪音問不能夠設置在還民居250米範圍內，「真係荒謬！新加坡又咪係市中心跑，澳門封路又話搞到市民交通唔方便，你收9000蚊一年，又唔見你話錢太多，唔好俾我？連賽車都認為唔啱，市民要深思，唔好成日都鬧政府唔啱。」
刀光劍影精彩重溫：
