【普天同㷫】前行政法務司司長陳麗敏今日「雙喜臨門」，不但獲學社頒發「第一屆金榴槤奬章」，在馬交城流芳百世 ，同時亦獲特首崔世安頒贈金蓮花榮譽勳章，澳門普天同㷫。典禮結束後，陳麗敏神采飛揚「滿場飛」與友好輪流合照。
談到得獎感受，陳表示覺得感恩和激動，又感謝市民對她的包容。被問到憑什麼獲奬時，她說要感謝特首：「因為呢個奬唔係我要求攞返黎，而係特首俾我，我特別感恩！但肯定呢個榮耀唔係我自己的，一定是所有公務員！」不其然令人想起撤回離補法時，崔世安亦曾經講過：「個法案唔係佢要既，係陳司長做俾佢！」未知是否對陳司偉大付出既「少少補償」。
陳麗敏在任十五年被批評無甚貢獻，她回應時指，澳門回歸十五年變化很大，現在回過頭來，認為可以把事情做得更好是很正常，但十五年來，政府上下一心工作都只是澳門好。被問及獲新澳門學社頒發「第一屆金榴槤奬章」有何感想？她只稱︰「多謝晒，多謝晒……」便急急腳走人。
