即時報道
即時資訊、特別報道、即時評論。

閒置地趕搭尾班車 地産商會:唔係囤地只係發展唔到

即時報道

文:論盡採訪組

時間:2015年09月5日 18:18

IMG_0877

地産界近期高度關注批地將在年底到期的五千樓花,如海一居、金峰南岸。新《土地法》規定,批租地若逾期仍未完成發展,政府就要收回,令發展商大為緊張,近期多次高調要求修法,揚言政府若「趕盡殺絕」,買家發展商雙輸。房地產聯合商會副會長關偉霖受訪時為業界「平反」,反駁囤地的質疑,重申發展商係「發展唔到」,到期未落成責任不全在發展商身上。他認為新《土地法》太辣,有必要修改,建議以罰款代替收地。

「政府明知係今日嘅澳門,工業已經唔可行,但北安同石排灣嘅工業地,政府話會改用途,但咁多年都未改到。就算發展商去申請街線圖,都唔會批俾你,呢個唔係發展商單方面問題。」關偉霖認為,部分拖延廿年以上未發展的土地,跟土地用途、人力資源緊張、部門批則慢等都有關。

但翻查紀錄,政府也並非咁唔通氣,前身是聯生工業村用地的金峰南岸更是工業地轉住宅、點石成金的佼佼者,三期合同可提供超過1900個單位……

關偉霖又指發展商最重要是貨如輪轉,囤貨除了無法賺錢,亦會影響到地產業界經營,發展商不會有地不發展,有供應才能賺。他又指,今年樓價經已跌近3成,加上溢價金、土地、人力、原材料等價格不斷高漲,令建築成本上升至每平方呎6000元,按成本計算,本澳樓價經已見底。現在賺的只是「合理利潤」,並非暴利。

另外,氹仔名門世家的土地利用期限年底屆滿,身兼發展商威得利發展執行董事的關偉霖指,現時部分單位正排期驗收,部分經已收則,可望在今年內全部入伙,不受新土地法規定影響。名門世家單位「要賣嘅都賣咗」,低價下跌對銷情無影響。他又否認發展商考慮控告政府拖延輕軌工程進度,「邊有得告,只能配合政府。」據傳媒報道,名門世家1500個單位,全部賣出預計至少套現超過300億元。

IMG_0858