即時報道
即時資訊、特別報道、即時評論。

新官上任三把火 馮強單挑黃少澤

即時報道

文:論盡採訪組

時間:2015年04月10日 19:19

11139844_1087563484603642_1282733657_n

保安司長黃少澤 (電視截取畫面)

11136837_1087568144603176_790491054_n

官委議員馮志強 (電視截取畫面)

 

【保安施政】保安司長黃少澤一上任即下軍令狀,整頓葡京沙圈,打響頭炮。今日立法會上直選議員麥瑞權豎起姆指大讚:「你同你啲兄弟真係勁!有勇、有謀、有魄力!之前我仲以為沙圈係合法。」他又讚警方打擊違規的士、加快通關都做到野:「過關真係好重要,你知一日有幾多人落黎賭錢同買野!」

呢排靜左好多既官委議員馮志強終於落場,直指近年警員涉貪、收賄做保護傘,協助偷渡、安排酒店、陪賭放數樣樣齊。保安部隊九千幾人,難免樹大有枯枝,警隊次次都話絕不姑息,必定嚴懲。佢又「單挑」黃少澤新官上任仲有三把火:一把燒沙圈,一把燒的士,最後一把火可會對準警隊內部呢個「最後堡壘」?