黑沙環居民昨(24)日下午發起遊行，反對輕軌假諮詢，政府和社團聯手強推勞動節高架方案，區內居民怨氣爆發，不想再被傳統社團代表，直接上街向政府表達訴求，要求輕軌走線採用沿海方案。發起人之一的岑四妹要求當局確切地諮詢區內民意，莫再用外來的聲音蠶食實際受害者的聲音。考慮到天氣酷熱，主辦方建議老人及孩童量力而為，不需全程參與，隊伍最高峰時約有1000人參與，警方公佈數字為270人。
參與遊行的陳小姐表示，勞動節高架方案將對黑沙環公園的整體環境造成嚴重破壞，亦大減居民使用公園的意欲。「你都唔會願意係天橋底下曬太陽啦！我哋需要既只係坐係到吸一口新鮮空氣，你喺地底俾再多既設施我哋又點？我哋見唔到天空！」她又批評政府的諮詢「鬼祟」，又有既定立場，勞動節方案的安全性及技術方面仍有太多不清楚的地方，但「政府就好似已經話，唔理啦，做住先啦，有問題再算！」
今次參與遊行的居民不少是撐著拐杖，坐著輪椅的老人家，以及小朋友。在反離補運動中公民覺醒的黃婆婆表示，政府又挖地下建停車場，又破壞公園，又不願向居民保證施工安全，跟強推離補法案一樣，完全漠視民意。容婆婆今次撐著拐杖也要參與今次遊行，她說︰「我八十幾歲人都要反對！我都唔知仲有無命享(黑沙環公園)，但都想留返俾下一代。」她擔心輕軌工程會令到住宅像善豐花園一樣成為危樓，但政府一直不敢寫包單，負起輕軌工程的安全責任。
恒仔與弟弟今次是第一次參加遊行，他說「好鐘意(黑沙環)公園，可以係到玩滑梯，踢足球」他又擔心輕軌的安全性，「整咗輕軌，有啲咩事，就會跌落黎砸到我哋，要政府賠償，咁咪好唔抵囉！」若果政府強推勞動節方案的話，恒仔日後再無地方可以玩耍，「無咗個公園就只可以日日係屋企睇電視，好悶啊！」
