「個女仔舉牌既時候，有個記者影相，當時有個保安非常激動地衝過去推個個記者，最後個個記者被幾個人拉走咗。保安拉記者真係超誇張！點解可以咁暴力去對一個記者！係咁推佢走，超恐怖！」兩名澳大畢業生力證澳大校方昨日在畢業禮上，打壓言論自由！
一名澳大畢業生昨日在畢業禮上，舉起寫有「支持學者發聲」的紙牌，要求校方保障學者的學術和言論自由，旋即被多至四名的保安粗暴夾離會場；現場採訪的愛瞞傳媒副社長崔子釗亦遭粗暴強行驅趕，以致頸部擦傷。澳大當夜急發新聞稿，稱兩人「影響了現場秩序」，又「阻礙參與典禮人士進出」，並「作出干擾現場秩序的行為」。
當時位處舉牌女畢業生旁邊的梁同學憶述，當時有嘉賓進場時，該名女生開始舉牌，便有多名保安衝到她面前，搶紙牌，當時女生大叫「搶嘢啊！搶嘢啊！」掙扎了大約廿秒，「整張紙牌都被扯攔，跟住有人就拉咗佢出去。」他續說︰「個女仔當時只是無聲地舉牌，如果當時沒有人制止她的話，覺得整件事沒什麼大不了。所謂干擾會場秩序的情況，亦都只是搶紙個一刻。」
澳大應屆畢業生梁同學
另外，當時身處舉牌女生後排的劉同學補充︰「個女仔舉牌既時候，有個記者影相，當時有個保安非常激動地衝過去推個個記者，最後個個記者被幾個人拉走咗。保安拉記者真係超誇張，點解可以咁暴力去對一個記者。係咁推佢走，超恐怖！」她續說︰「個記者只係企係個到影相之嘛。當時亦有其他記者在場拍照，但係啲保安好似淨係衝住個個記者而去咁樣，超恐怖！」
澳大應屆畢業生劉同學
劉同學認為該名女生舉牌「無乜問題」，至於校方所指控的「影響了現場秩序」，她說︰「女仔只不過係一個弱質女子，佢可以做得啲咩好嚴重既舉動呢？佢只係一個無聲既抗議，或者無聲地表達訴求，咁其實唔係好過份啫。」
她續說︰「個女仔既訴求亦都好溫和，又唔係啲咩好偏激既嘢。」類似的舉動在鄰近地區亦是經常發生，校方粗暴強行驅趕是過於敏感。「現在只是一個人做一件如此和溫發聲的事情，都發展到咁既地步，其實係好影響言論自由。大學是一個發表學術既平台，既然你間學校話俾人聽係咁樣對待言論自由呢樣嘢既，其實係好打擊人心囉！」
