「高官離補」法案被社會狠批為「高官自肥」，要求撤回法案的呼聲與日俱增。然而，負責細則審議該法案的立法會第二常設委員會主席、間選議員陳澤武回應傳媒提問時，則說︰「依家嘈到咁犀利，我以為係乜！……依家撤既，第日都拎上黎架啦……我唔係好明白大家既思路囉。」
「高官離補」法案引起社會強烈不滿，新澳門學社發起聯署活動要求撤回法案，四天內已收到近三千個簽名支持撤回法案；網上組織「澳門良心」亦將於本月25日發起「反離補，反特權」遊行。
面對社會的反對聲音與日俱增，作為負責細則審議該法案的二常會主席陳澤武有何回應呢？他說︰「無回應喎！如果上到大會，個個(議員)唔贊成咪撤囉，我哋無權講任何嘢。」
他補充︰「點樣回應呢？我回應唔到架喎，好簡單，依家撤既，第日都拎上黎架。」社會一直質疑該法案為何該法案沒有向公眾諮詢是否需要建立該制度？社會質疑該法案是為主要官員度身訂造，要趕政府換屆前夕「衝關」通過。陳澤武說︰「就算依家撤咗，會期完咗，都會再拎上黎架。依家呢班官員一樣有咁既待遇架，係個時間的問題，大家要分清楚問題啊嘛！依家嘈到咁犀利，我以為係乜！……我唔係好明白大家既思路囉！」
面對社會連日炮轟該法案是「高官自肥」，「貪官離補實在離譜」，陳澤武則回應︰「離譜，我諗你自己睇下先啦，乜嘢叫離譜？我覺得好合理架喎。大部分議員都覺得無問題，意見書係咁寫架。梗係會照樣提交啦，我地無權唔做嘢架喎，罷工啊？！」
陳澤武又認為社會上正進行的聯署反對活動「幼稚」，他說︰「你覺得有問題咋嘛，我地都係代表好多人既，搵人簽名贊成？我哋唔會做啲咁幼稚既嘢，做嚟做咩啫？」他又稱自己會「繼續工作，做好我地議員既本份」。
面對社會質疑該法案中，非公職出身主要官員的離任補償調升至30%的理據何在？曾表示調升至30%是「沒有科學的數據分析」的陳澤武今日則回應，是參考了退休及撫恤制度，「政府供款20%，個人供款10%……個30%都可能係從呢個估算。」
