立法會召開會議，辯論應否立即修法實施娛樂場全面禁煙。工商、金融界間選議員崔世平說，就算內地客用「貪污舞弊」所得的公款來澳門賭，「都不應歸咎澳門，扣係澳門人身上！」
他又說︰「有人話國家出左血，澳門就獲益，講到澳門好似好不仁，其實係誤導咗……試問大家想想：究竟我地想國家資產外流好？還是內部循環好？」
他還質疑衛生局的數據中，為何只有一萬多的博彩從業員做體檢？「點解那些人(博彩從業員)從業員點解咁唔顧自己健康！我地個個議員都咁肉緊，點解佢地自己唔肉緊？」
崔世平稱，辯論過程中，有議員扣澳門「帽子」。他說︰「我作為澳門人，對這些說法有一些反應。」他說︰「澳門的賭客主要來自大陸，有人話因為多人黎賭，所以就多貪污舞弊、虧空公款！我有必要申明，公司監管法例並不是澳門訂定，內地公司的規管條例是內地有關部門去定，如果佢有不完善，點可以嫁禍澳門？咁乜野內地發生的事都關澳門事？唔通MH370都關澳門事？這說法好有問題，我好有保留。國家法律要逐步完善，那怕有不完善的地方，有些人真係因為咁黎左澳門賭，都不應歸咎澳門，扣係澳門人身上！」
他又說︰「有人話國家出左血，澳門就獲益，講到澳門好似好不仁，其實係誤導左：內地賭客淨係會黎澳門賭？呢個立論我亦唔成立。從消費行為學角度，賭客自己有選擇，佢今天黎澳門賭，明天可以去其他地方賭，佢鍾意黎澳門賭當然有佢既理由，可能係同聲同氣，可能係相互習慣方面，如果你樣樣都唔俾佢做，咁我可以選擇去其他地方。試問大家想想：究竟我地想國家資產外流好？還是內部循環好？ 呢個真係值得大家深思，其實呢個對澳門人扣左帽子，作為澳門人我要作出些反應。」
崔世平又認為，博彩從業員會否自動自覺做身體檢查很重要。「因為你為佢著緊！佢為唔為自己肉緊呢？」他質疑衛生局的數據中，為何只有一萬多人做體檢？「我想了解這萬幾人是自動做還是被迫做？還有些無做既，是被迫唔做還是自己選擇唔做？」
「我真係希望政府實事實辦，唔好浪費公帑，但呢樣野要浪費我地既精力，做個真正既調查，點解那些人不去做？搞清楚從業員點解咁唔顧自己健康！我地個個議員都咁肉緊，點解佢地自己唔肉緊？」
