江門同鄉會今日到政府總部遞交簽名，支持特區政府施政，以及「高官離補」法案。他們聲稱從本月22日開始，通過街頭簽名，以及動員會員簽名，合共收集到1萬5千多個市民簽名。同鄉會副會長陳溥森重申︰「江門同鄉會的立場係支持特區政府在政制上邊呢個發展呢個改革，亦都落實呢個法案，我哋係繼續支持既！」
陳溥森認為，社會上對「高官離補」法案的條文理解有不同的理解及意見，政府可以吸納市民的意見，「細致一啲再宣傳」。他又說︰「無論邊一方既會員，其實我可以坦率地講，有些團體的會員『同樣』唔清楚，『同樣』人云亦云。所以，我覺得政府需要在這方面加大力度宣傳。」
(記︰同樣人云亦云的意思，是否指你們很多會員都不清楚該法案到底是什麼一回事？)陳溥森︰「呃…呢個唔可以咁講…呃…總體的原則絕對係清楚，問題係介紹的方法，係需要廣泛地宣傳。」
立法二常會主席陳澤武曾說過︰「我哋唔會搞簽名支持呢啲咁幼稚既嘢。」陳溥森認為，這是「見仁見智」。他又說︰「遊行是民意的一種，但遊行人數並非所有民意的唯一標準。按呢個邏輯推理的話，是否意味著唔出嚟既，係咪就意味著支持呢？」
對於有意見指江門同鄉會對於今次的決定，其內部有不同意見。陳溥森澄清，今次的決定是，「江門同鄉會所有領導層經討論後的集體行動，而非有人反對，有人贊成。政客怎麽講，我不理，但我可以坦承地講，這是江門同鄉會一致的意見。
