觀鳥人士「小喬媽媽」說，路氹候鳥日漸減少，從前可拍攝到數十種鳥類，今日只能見到幾種；過往舒適悠閒小城生活，十多年間，已變成五光十色、人流擁擠、居民怨言四起的國際都會。她不禁慨嘆「見到澳門環境變成咁真係心痛！到底將來小朋友長大後，仲唔可以睇到一棵真的樹呢？還是全部都係人造呢？再係咁落去，環境真係冇辦法補救。」
生於斯長於斯 目睹斯心如撕
飛晞雅幾年前愛上拍攝鳥類，從2011起，便遊走氹路之間，只為捕捉剎那間鳥兒的姿態。因為她常帶女兒小喬參加觀鳥、攝鳥等活動，故不少人又稱她為「小喬媽媽」。
「我地係澳門土生土長，睇到呢啲變化，真係心痛！2012年的路環環境還好，啲水仲清，紅樹林還好靚。」小喬媽媽指出西堤馬路一帶近污水處理廠自從去年開始挖通航道，淤泥就開始向岸邊沖積。後來污水處理廠白泡事件見報後，白泡雖不見，但情況無改善。「但啲水都係又黄又黑，到了今年的年頭仲更加嚴重，紅樹死曬。」
綠草、紅樹林、魚蟹遍地，水清見游魚，天空任鳥飛、各種鳥兒在澳門的自然環境裡自由覓自在地覓食。小喬媽媽描述路氹西堤馬路一帶的美景即現眼前，但這景色僅存於2012年。
小喬媽媽指出，路環這幾年環境污染十分嚴重、高樓大廈湧現。環境污染，使得原本會來澳停留的雀鳥已經不復見。「在2012年，在西堤一帶我自己都差不多影到30種雀仔，但今年只得4、5種咋，真係差好遠！」新建的酒店的玻璃外墙會反射周圍的景物，不少雀鳥會被誤導，而直接飛撞過去，因此，時常可以見到雀鳥的屍體。
路氹環境的污染問題日益嚴重，使原本可見到的數十種鳥類，銳減至只僅餘數種。（圖片由小喬媽媽提供）
破壞嚴重 投訴無門
眼見路環乃至整個澳門的環境日漸因發展而受無可挽回的破壞，作為觀鳥愛好者的小喬媽媽不禁慨嘆︰「環境改變得咁犀利，啲雀仔唔會再嚟既啦！原本澳門可以吸引佢地，但而家周邊的環境可能令佢地無安全感，再加上長期斬樹，或者佢地覺得唔適合。」
小喬媽媽批評政府胡亂砍樹做法，使得不少雀鳥失去棲身之所。「原本棵樹好健康，總之見到有樹枝外展就要砍，結果啲樹無得遮陰，雀仔無棲之處，雀仔點會停留。唔好話雀仔，蝴蝶都少咗。」小喬媽媽又指政府長期在山林滅蟲，直接殺死不少蝴蝶的幼卵，「搞到一班影蝴蝶友人投訴蝴蝶唔見晒！」
然而，小喬媽媽及其朋友時常致電政府部門投訴人為的污染問題，例如油污或淤泥堆積等，終始得不到政府的回應。「環保局、民署都打過，但只回應話跟進，結果係失望。」
小喬媽媽指出，澳門的自然環境本來已經「少到無法相信」，然而多次向政府部門投訴不果，仍然任由其受無可挽回的破壞，小喬媽媽既心淡，又心痛。「官員們同我地對呢這個城市的心好唔一樣囉，我覺得佢地係完全唔關心，最好唔好有呢啲嘢係度添，無係度就唔會比人投訴啦嘛！」
小喬媽媽說︰「我地係澳門土生土長，睇到呢啲變化，真係心痛！」
除了錢，澳門什麼都不歡迎！
過度的發展，使雀鳥、蝴蝶連本澳僅餘的綠地都不再停留；超負荷的旅客數量，亦使到本地人怨聲載道。整個城市變得好像除了迎合金錢之外，澳門什麼都不觀迎！
「係呀！我地係澳門土生土長，睇到呢啲變化，真係心痛！以前過路環好似旅遊，好舒服！而家係過路環會塞車、塞人，已經唔可以好悠閒咁行。」面對澳門這種「發展才是硬道理，居民感受企埋邊」的發展模式，小喬媽媽亦不禁搖頭慨嘆。
「以人為本」是政府日夜叫喊所謂的施政理念，然而，讓澳門市民所感受到的，只是「以商人為本」的施政理念。坊間流傳一句既現實又諷刺的說話︰「政府對著公眾利益就事事不可行，面對商人利益就事事可行。」
小喬媽媽說︰「絕對係！官員比我地既感覺係偏向左做生意果方面，總之係搵到食賺到錢就咩都睇唔到啦！居民想一個好啲環境，想有一個空氣好啲生活環境，佢地聽到了就哦，居民想呌啖舒服啲氣，又係哦，唔出街咪得囉。」
為本澳居民留下最後一片淨土，一個不被人為破壞的自然環境，對特區政府來說是否就是「不可能的任務」呢？小喬媽媽說︰「政府其實可以做得好啲！政府係完全冇被人感覺到有心或有規劃去關注環保方面的事，若有心做就一定得，有心就可以；但問題係政府有冇心去做。」
原本大片的紅樹林，只是相差一個月，已經所剩無幾。
原本大片的紅樹林，只是相差一個月，已經所剩無幾。
