疫情之下舉辦「降格」格蘭披治大賽車引發全民爭議，行政長官賀一誠今日列席立法會回應議員提問時表示，今年的大賽車早於去年已經決定要舉辦，「我哋已經簽曬合同，唔做一樣係賠好多錢」，亦期望藉大賽車宣傳澳門的安全抗疫。
賀一誠又稱，現時已經要決定是否舉辦明年大賽車，因為賽事的籌備不是短時間的規劃而需要長時間的籌備和協調。「唔係話我聽日想做賽車，係咪聽日啲人全部棟喺我面前，即刻落場就可以賽車，呢個只係澳門嘅普通飛車，唔係賽車。」但仍然要視乎疫情的變化作決定，「做，個個都鬧我，鬧我冇問題，坐得呢個位一定預咗比人鬧；如果我哋唔做，明年會唔會變死城？好難決定」。
賀一誠表示，如果明年不舉辦大賽車之類的大型活動或會衍生其他問題，本澳或無吸引旅客來澳的元素，「係咪之後都係你眼望我眼？講唔做好容易」，因此會審慎考慮相關活動舉行與否。
