昨日網上瘋傳一段女兒掌摑老母親的影片震驚社會，時事評論員蘇文欣認為，事件反映本澳社區照顧服務上，照顧者和被照顧者都缺乏支援，政府一直喊口號要「原居安老」，只強調要建院舍等硬件設施，卻忽略軟件配套的支援，以及重建互相幫助照顧的鄰里關係。
他說︰「政府有投放幾多資源俾機構，有無政策培養呢種服務，令到我地既義工唔係搵一日去到老人院派下禮物，咁就走，完全無我地講既照顧鄰里的精神，只不過係一場騷，然後政府就話俾全世界人聽，我哋有幾多小時的義工服務，交功課。呢個同我地講既互相照顧真係兩碼子的事。」
蘇文欣指出，很多長老在原來的社區只需要接受部分的服務，例如煮飯，有人監督打針食藥，根本無需住院舍。院舍服務不是每名長者都需要，因為院舍有太多限制，甚至某程度上「剝削」了他們的生活尊嚴。「包括夠鐘要食飯，唔肚餓都要食，唔食跟住就無嘢食」。
明愛總幹事潘志明表示，涉事母親已安排暫住明愛轄下的院舍。他認為，「護老者」變成「虐老者」的情況，應引起社會關注，事件可能只是冰山一角。他表示，家人照顧長者，時常出現兩種極端心態︰「有啲家人以為自己係萬能，乜都自己做曬；有啲就覺得自己乜都唔洗做，將責任交俾社會。」但其實兩種心態都不好，作為家人應該適當承擔照顧其他家人的責任，但將全部責任攬上身，最終壓力爆煲，最終更容易釀成家庭悲劇。
另外，他認為街坊鄰里應互相關心，若遇到類似事件，應第一時間通知相關部門和機構跟進，盡可能避免家庭矛盾激化，最終慘劇收場。
