雀仔園一帶
第六任澳門特區首長即在今（13） 日由400名選委選出，今屆特首選舉唯一候選人、終審法院前院長岑浩輝可謂「坐定粒六」。儘管這只是一場「小圈子選舉」，仍是五年一度的大事，關乎澳門的未來和市民的福祉。然而，沒有投票權的本澳居民，是否關注特首選舉？對於未來特首又有何期望？
本媒記者昨（12）下午及晚上分別在北區、中區以及氹仔與多名居民聊聊對選舉關注度、對岑浩輝的看法以及對新一屆政府的期望。受訪居民多數知道有特首選舉，惟有些未必講得出隔日就是投票日，或者未必關注候選人及其政綱，似乎不太關心是次選舉。
正如部分受訪者所言，自己都無份投票，關心有何用？市民又是否有權關心選舉？是誰上任特首又與自己何關？並非「一人一票」，是誰當選都輪不到市民理會。
無論誰上場，受訪居民均對新一屆政府有所期望，有希望改善年輕人就業、交通、醫療、經商環境；亦有希望增加社會福利，以及促進中小企發展及改善。
本媒記者昨日在新口岸及水坑尾一帶訪問多名澳門居民，大部分受訪市民都知悉周日為特首選舉的日子，惟均感到與自身關係不大，因沒有任何參與的權利。
選舉參與度低 少關注
市民：無力改變任何事
在水坑尾附近生果檔工作十多年的街坊鄭女士表示，對特首選舉的相關資訊不知情，「我都唔知情，我又唔識，一來又唔得閒，我幫我老闆（打工），就好少留意。」
鄭女士在水坑尾附近生果檔工作十多年
問及對下屆特首的期望，她則指，「期咩望呀，我都幾十歲，做咗十幾廿年。」又稱周邊的連鎖店影響店鋪生意，但覺得就算有問題「講出嚟都冇用」。
另一位途經雀仔園的林小姐表示，對於今屆特首選舉甚少關注，知悉選舉日子，惟感覺整個選舉只是走個過場，認為即使留意也沒法改變任何事，「坦白講我冇留意過今屆（特首）選舉，我會比較留意立法會選舉、議員嘅選舉多啲，因為自己真係有得揀，咁呢個（特首選舉）係冇得揀嘅，所以基本上我唔會留意佢啲乜野，因為留意咗都係咁樣。」
她續指，對於現屆政府感無力，「實質上政府嘅一啲施政或者民生上嘅嘢，只可以靠自己搵渠道抒發或表達，最後可以做到嘅嘢就係搵一個啱嘅議員，可以代表到你嘅，同自己意念相合嘅人，透過佢哋去發聲。」
本身在下環居住的林小姐表示，有聽聞特首「落區」到該區附近，惟她認為作用不大，「佢都係做佢需要做嘅嘢啫，走佢需要走嘅流程，又唔覺得有啲咩幫助到嗰區，或者改變啲咩。」
市民盼改善經濟
在新口岸區居住的麥先生表示，透過朋友及社交媒體留意到選舉相關報導，知悉選舉日子，「政綱就冇乜點睇，但有睇啲媒體報導有講過個八個字嘅口號，但唔記得係咩。」
對於下屆政府，他較關心就業、置業等議題，期望可對青年投入更多福利。
經營小生意的麥先生認為，現今經濟不景，希望新政府有政策改善，「而加做生意真係好難做，希望佢有啲政策嘅傾斜，令到大環境好啲，改善經濟呀，搵到錢先會開心㗎嘛，（提升）幸福感呀嘛。唔係淨係六大博企賺晒啲錢囉，希望分到少少畀中小微企。」
水坑尾一帶
在新口岸讀書的大學生張小姐表示，知悉今屆的特首候選人，惟她個人不太關心政治，亦因為自身擁有的政治權利較少，自小已覺得事不關己，認為「有就有，無就無」。
而另一在新口岸讀書的大學生李小姐則表示，有留意特首落區的新聞，對於政綱，她較關注體育及大健康的部分，因與自身就讀的科系有關。
