石排灣街坊陳先生（左）、歐陽先生。
特首候選人岑浩輝今日再度落區到石排灣一帶探訪社區，由競選辦及社團代表一行人陪同。期間，有數位居住在樂群樓的街訪受訪指，未能有機會見岑生一面，但對他擔任特首有期望，又希望居民現有福利不要倒退，維持現狀就最好。
街坊陳先生：長者福利維持現狀
市民陳先生已在石排灣居住八、九年，並表示，自己最近關心特首選舉新聞，亦關心民生、關乎生活的議題。知道岑浩輝從司法界出身，資歷不錯，看過政綱對他有信心，又「識法律嘢」，對民生、好多嘢都有了解，「所以我都睇好佢。」
問到對下任特首有何期望？他則指，自己因身體唔好，已退休十幾年，希望下一代有好的就業機會。
他認為，現時長者福利算過得去，「生活算係咁，多有多洗，少有少用。」亦希望新特首「繼續按而家嘅路走落去，啲嘢（福利）唔好左斬右斬。津貼、消費券比返多啲。都係要照而家咁行落去，最好多返少少福利，要求唔係好高。」
陳先生表示，今日知道岑浩輝落區，想打個招呼，「唔好意思行埋去，無辦法啦大人物都係咁。」對岑浩輝沒什麼期望，惟特首需要「執正嚟做」。
岑浩輝今（9）日再落區到石排灣社區一帶。
街坊Helen：希望佢身體健康
另一位街坊Helen是土生葡人，已在石排灣社區居住約五年。惟今日遲了出門，見不到岑浩輝一面感可惜，希望向岑浩輝講句「希望佢身體健康，做得好澳門 」。
Helen表示，自己亦關心選舉，「個個特首我都關心，做得好澳門就得㗎啦。」但自己未細讀政綱。認為岑浩輝「應該都Ok嘅」，以往每個特首都算可以。如果今日可以見到岑浩輝，則想向他講兩句葡文、握個手。
問到對下屆政府有何期望，Helen則指可以派下消費卡。「希望佢對澳門市民好啲囉，消費卡派下，超市買親嘢都百幾兩百蚊，如果澳門賭收好咩都好，收入唔好都無辦法。」
街坊歐陽先生：望改善外僱過多
岑浩輝今日再落區到石排灣社區一帶。
街坊歐陽先生則指，想與岑浩輝「傾下偈」，但很難接近岑浩輝，「咁多人喺度點行埋去？我哋啲茄哩啡。」希望下任特首可為市民增加福利。例如中央儲備金加多五千，總數則為萬二，一個月有一千，「老人家就幾開心，個個都開心，撐硬佢，撐硬輝哥！」
他又表示，希望下任特首「做到嘢，為市民請命」，與身邊長者聊天，多數人都「睇好輝哥」。自己從2017年起住在石排灣，但失業多年，「未到65歲但無嘢做。」現時勞動市場外僱泛濫難找工作，希望特首可以改善該現象。
