影片截圖（來源：社工局Facebook）
近年本澳社會生育率漸低，不論官員、議員均關注少子化問題，除了建議改善社福機制支持生育外，亦倡議向年輕一代灌輸「正向」婚育觀念，望促進婚育意願。近期本澳社會工作局製作一段主題為「生兒育女 倍添幸福」的宣傳短片，並透過Facebook專頁上載網上，引起網民大力迴響，遭不少網民大肆奚落，更有留言批內容所帶出的訊息大有問題，政府「將生育當兒戲」。
該段短片以兩對情侶／夫妻為主軸展開，其中一對夫妻抱著一對兒女，在海邊上演「和樂融融」的家庭畫面，小朋友吃東西、父母照顧孩子、手抱嬰兒開心笑著。其後遇到另一對熟人情侶，兩人稱讚小朋友可愛，然後四個成人一起稱讚小朋友「很可愛」後，情侶幾乎是馬上討論並得出結論——「其實我們也可以生育一個。」最後，影片帶出主題：「生兒育女 倍添幸福」。
本月13日上午短片一出，截至今（18）日已惹來近一千個網民反應按讚、逾860個留言、四百餘次分享、瀏覽量逾七萬次。有不少網民留言貼出自家寵物照，認為如追求「可愛」，養隻寵物更貼題。
網民：「不婚不育是天堂」
影射當局理解生育問題膚淺
同時影片下方亦有不少留言諷刺影片主題和劇情膚淺，意指影片帶出主題可謂莫名其妙，影射政府將生育問題想得太兒戲。其中有留言稱：「你話返工好有壓力，放工返去見到自己啲小朋友，感到溫暖都好啲，你而家咁即係因為小朋友可愛就要生？一啲說服力都無喎，想問下點解主管可以批到出街？」、「冇重點，剩係強調好得意就去生，完全係不負責任，咁係咪有一日唔再得意，就送佢去屠房？」「真係見到朋友個小朋友得意就走去生仔咩？咁樣都想當交功課，會唔會兒戲咗少少？」、「段片拍到生仔兒戲過養寵物」、「下一代係抒壓工具嗎？」
影片截圖（來源：社工局Facebook）
亦有留言指短片製作不如理想：「劇本都無 拍得十分差，咁都搵到食，我去生bb算」、「不婚不育是天堂」、「段片拍到生仔兒戲過養寵物」、「過來人建議無咩事唔好生」、「如果純粹因為可愛而生，個現實會有好大反差」等等。
產假、醫療、經濟、工作等
樣樣影響生育意願
留言中亦提及政策層面，例如產假不足、醫療系統未完善亦是阻礙生育的一大主因 。有網民稱：「政府嘅政策根本就打擊生育。產假得70日，侍產假得5日。媽咪未休息夠就要番工，BB 三個月都未夠，就要交比人照顧。每日係公司嘅時間長達10小時 （仲未計OT），工人又請唔到（垃圾政策縱容工人不停轉僱主），難道政府覺得小朋友光合作用就識大？」「首先唔該私人機構同政府部門產假睇齊先啦！」、「申請出生津貼得60日，產假都有75日啦！我仔都生埋，申請政府少少錢都限時限刻，逾期就冇，生完仔到底有幾忙，媽媽有幾辛苦，政府有諗過嗎？另外現金分享仲要等到下年先有，人哋香港都即派2萬啦，政府真心鼓勵生育咩？」「有心改善出生率，麻煩改善吓醫療系統先啦，山頂產檢啲機睇唔清，逼住出去睇醫生照／轉鏡湖，小朋友出世後，山頂深夜兒科急症起碼排兩個鐘先見到醫生，當然唔係話免費就要接受咁差既服務，而且政府有錢肯洗錢，點解質量會咁樣？」「政府接近零支援及奇差配套，仲敢鼓勵人生小朋友？」等等。
有網民的留言更直接影射經濟問題，認為解決食住等，尤其住屋需要相關問題更為重要。其中有部分留言指：「消費券都好得意，不如你們都派下」、「幾應景呀，一家四口街邊食半個麵包，姊姊見到妹妹食半個麵包流哂口水」、「新生兒嫌少、畢業生嫌多」、「生？解決左工作問題未吖？」「直接生仔女派樓派單位會有機會」、「最少學下鄰近地亞洲城市點鼓勵吧，幫基層［衣食住行］解決一種，比如有優先權入住／買經屋社屋，或者支援嬰兒期的困難期、產假等等等等，咩都吾諗就生就太不負責任，重要拍條垃圾浪費公帑啦」、「政府解決雙職問題先，工人又難請，返工又狂OT（又無OT費），小朋友洗費又唔係平，樓價又高生活通漲政府就話自由巿場乜都唔理，酒店派免費野就要管，唔知大三巴d派免費牛肉又唔知要唔要管，職位又比外勞侵入，呢條片一句可愛就叫人生，諗個個都離地」等等。
