近期眾多議員都關注經屋湖畔、業興的甩磚問題，有質詢，有遞信，有邀請傳媒實地視察等等。運輸工務司司長羅立文昨(5)日在立法會再次回應經屋甩磚問題，他說︰「我明白今年係一個特別嘅年(選舉年)」，有問題就處理問題，但不要將問題化大。「亦都唔好出一兩個問題就話我哋做嘅嘢全部都係垃圾，呢個唔係事實。」
羅立文表示，現時很多批評都對他的同事不公平，甩磚並非公屋獨有的問題，很多私樓同樣有，「連我哋啲局長住的私樓一樣有甩磚……兩個(湖畔、業興)都係甩幾個巴仙的面積，但嘈嘅音聲係咪幾個巴仙呢？唔知啦。」
他說︰「我明白今年係一個特別嘅年，但係大家睇一睇呢樣嘢，我哋同事都要捱，係咪佢哋做工程好鐘意跌磚跌嘢呢？梗唔係啦。」他表示，湖畔大廈2012年收則，政府2017年才完成驗收，過了保養期就是小業主的責任，政府會配合小業主的決定。
「希望大家明白，唔係因為兩個樓，嘈到不得了就話我哋啲工程有問題。青怡、青洲坊、快富、快盈、青濤，係我哋同事咁渣？唔係啊嘛？唔好因為兩個樓就覺得我哋做嘅嘢全部都係垃圾，呢個唔係事實」，羅立文說︰「做嘢一定會撞板，唔做嘢就肯定唔撞板，無可能一百個決定，一百個都啱。希望唔啱個啲係細單個啲，唔係大單個啲。所以唔做嘢就無問題，做嘢就一定有問題。」
他續說︰「我哋都唔鐘意出問題，我阿媽生我出嚟好鐘意俾人鬧咩？好彩我阿媽死咗咋，如果我阿媽仲在生，成日睇住個仔俾人鬧……所以，大家同情下我哋同事，唔該啦。」
Ｘ
請支持論盡走下去！新聞自由是靠全民來維護的。
