南灣湖C區兩司法機關建築規劃遭反對 羅立文:「我唔係聾㗎,梗係有聽到」

即時報道 搶救西望洋新聞檔案

文:論盡採訪組

時間:2020年12月29日 23:23

南灣湖C區兩司法機關建築規劃條件圖草案惹爭議。兩份草案建議的樓宇限高為海拔50.8米至34.1米,社會質疑政府帶頭破壞主教山與海之間形成的「山海城」景觀,並要求撤回兩草案。問及政府如何回應社會訴求時,運輸工務司司長羅立文今(29)回應指有聽到社會意見,「我唔係聾㗎,梗係有聽到」。問及政府會否降低時,羅立文則稱,作為司長「都唔應該講好多嘢」。

羅立文又表示,草案目前在公示期市民有權發表意見。他又解釋相關地段的限高是以海拔來計算,將來建築物的真正高度應減4米。問及以限高為海拔50.8米即使減了3、4米後仍為46-47米,對「山海城」景觀仍造成破壞。羅立文隨即回應,若減少3、4米,「起碼都少一層囉。」

羅立文又指,其中一地段C12最初批準的限高為海拔80 、90米。「所以而家係唔係好大嘅進步呀?如果冇宣布(批地)失效嗰塊地,今日起咗80 、90米高,所以我諗大家唔好成日睇一面,睇曬成個故仔好嗎?」

運輸工務司司長羅立文

問及政府目前持有該地段發展權更應保好南灣這區「山海城」景觀視廊,羅立文表示,市民有不同看法,無需爭論。「依家係收集意見,好多意見出黎咗,唔係100%準確,宣布失效之前都係80、 90 米高。 當然有人覺得高有人覺得低,大家出意見係正常,冇問題⋯⋯作為司長不應發表咁多意見先跟程序行。」

他又指,當局有針對景觀部份做了評估報告,但由於報告涉及其他部門「唔知可唔可以公開」,但多番調強政府不「亂嚟」,「我哋建議某一樣嘢,唔係亂咁黎,大家有唔同睇法,咁樣係ok嘅。」

城市總體規劃諮詢文本建議南灣湖 C、D區建築物限高 62.7米。問及政府會否考慮為C、D區建築物限高進一步降低以更好保護「山海城」景觀,羅立文則表示會注意及考慮。他又指,兩份建設規劃是應法庭要求,擴大南灣法院。「我哋都要就返用家個要求⋯⋯我哋都係就返法庭個要求。呢啲(地)唔係做地產,都係政府用返,唔係政府起一棟新樓。」

 

X
請支持論盡走下去!新聞自由是靠全民來維護的。
支持捐款︰https://aamacau.com/donation/