桃花崗晶記將營業至明（30）日為止，之後街坊可到義字街晶記繼續支持。晶記表示，最不捨一班熟客，對於桃花崗店要結束深感無奈，並多謝澳門市民一直支持。
地權案敗訴 七月前要遷出
歷時近8年的桃花崗地權案於2017年3月審結，終審法院裁定小販們敗訴。桃花崗小販們四出諮詢多個法律意見後，接受了發展商羅盛宗的和解方案，將於今年7月遷出桃花崗。晶記早前就宣佈，桃花崗店於今個月30日結束。
「而家冇喇……」老闆娘歐太無奈苦笑。「自從那個地產商搞嘢嗰陣，就搞到零星落索。我哋已經做咗四十幾年，好唔捨得。」「無奈呀，真係無奈……」
「啲客都唔捨得啦。」餅師鄭師傅說。老闆歐生則表示：「『天下無不散之筵席』，就是這句。」「已成大局，無謂鬥落去啦。」
對於地權案，晶記在訪問中並不願多提，但想起以前的日子，卻是娓娓道來。
老闆娘：開業近五十載 人面已全非
-
- 歐生
-
- 歐太
老闆娘歐太表示，桃花崗晶記於1970年開業，當時桃花崗非常熱鬧。「好多人行，有咖啡檔，有艇仔粥、豬腸粉。一到下午三點，附近嘅製衣廠工人、泥水佬都會嚟飲咖啡，旺極一時。」由於當時桃花崗尚未有餅店，於是選址於此，及後開設義字街分店。
「以前，六十年代澳門冇嘢做。」老闆歐生自言曾在炮竹廠工作，及後轉行。「社會變㗎嘛！我望望吓冇乜出色，咪走囉！」然後到別的餅店短暫打工。「冇學師㗎。坦白講，我對眼睇到嘅嘢（餅）我就知㗎喇。」曾考慮用機器量產，但最終放棄。「出嚟嘅嘢唔同㗎。」
細歐生：最不捨師傅
晶記第二代
老闆歐生自言已80歲，現都由第二代接手。細歐生坦言，會回家幫忙是因為店裏缺人，自己自小已開始在家幫忙，於是一直繼續。「本身想讀關於電腦的課程之類，後來返咗舖頭做，做開就繼續做。」「習慣咗，同埋好似唔做又好嘥咁，咁多年歷史。」
之後會在義字街店繼續幫忙。「多謝街坊支持。希望街坊繼續支持落去。」最不捨甚麼？「最唔捨得師傅，（佢）做咗咁耐。」
鄭師傅：最不捨客人
鄭師傅
晶記多年來都堅持手工造餅，每日早上5時已開工，「都係人手搓，全部都人手造。」鄭師傅憶述，自己於1986年加入晶記，一直到現在，已逾30年。為何一直留在晶記？「打工度度都係咁打，老闆又好，由得我自由發揮。」
鄭師傅表示，桃花崗晶記結束後會退休。「六十幾喇，退休喇。」坦言不捨得多年老主顧。「啲媽咪捧住個BB，而家都結曬婚，又一代。」「之前有個𡃁妹，美國一落機就返嚟，走嚟買咗幾十蚊餅。美國都知（桃花崗晶記結業）呀。」
「唔捨得係唔捨得啲客。」鄭師傅笑道。臨別有甚麼想跟街坊說？「多謝街坊捧場晶記。」
