社區發展新動力發起遊行，抗議當局對違泊過度執罰，反對駕照互認，要求增加公共車位以及完善交通設施。遊行隊伍約4時由華士古花園出發，沿途高叫口號，約五時到達政府總部遞信請願。主辦方稱，估計遊行人數達3,500人以上；而警方則表示有2,500人；有資深突發記者則認為至少有5,000人參與遊行。
參加遊行的朱先生認為，今次遊行反映澳門政府官逼民反。雖然當局已撤回修法諮詢，「但唔係撤回唔諮詢就當無咗回事，重點係官員的思維好有問題，由頭到尾都是高高在上，不體恤民情。今日我哋企出嚟，佢就話撤啫，他朝一日，佢再有啲咩法的時候，我哋唔企出嚟，咁係咪乜嘢都可以夾硬嚟，完全唔需要聽民意？今次遊行只是前奏，日後政府再咁樣嘅時候，我相信澳門人呢啲活動將會越來越多，越來越大，政府到時先知錯就恨錯難返。」
黃先生表示，澳門車位嚴重不足，當局還想大幅調升違泊罰款完全是「無腦」的表現。他又批評交局長林衍新早前的言論過份，「講嘅嘢都唔係人講嘅。點解一年會有80幾萬宗抄牌？因為無車位囉！因為係又抄，唔係又抄，日又抄，夜又抄囉！ 」
陳先生批評，政府施政不分輕重緩急，本末倒置，官員統籌混亂。本澳道路工程過多，輕軌進度嚴重滯後，市民被迫要自駕出行，政府不但沒有提供足夠車位，反而日夜不停地抄牌，還想大幅度增加違泊罰款。他認為，政府應先處理好交通問題，再討論調升罰款就不會有這麽多市民反對。
