立法會會期結束，選舉在即，議會將迎來不少新面孔，由特首委任的議員亦未知會否得到續任。官委議員馮志強回顧過往議會工作時，寄語新一屆議員不要為個人目的，應要為澳門整體發展發聲。而早前宣佈將不再參選的上屆「票王」、直選議員陳明金表示，感謝市民一直支持。
馮志強：我哋係澳門嘅議員，唔係某界別嘅議員
人稱「大炮」的馮志強由間選轉任官委議員，故下屆是否得以續任視乎行政長官決定。對於今屆立法會印象較深的議案，馮志強指，《租務法》的策金管制難以奏效，「過埋呢條就好麻煩。」又認為現時議會都「隨大流」，「我個人對於這種議政態度唔係幾認同，議會同事各有各政治立場，各有所屬，但對民生問題都唔係企喺全澳市民福祉去講嘢，都係企喺自己界別去講話。我哋係澳門嘅議員，唔係某界別嘅議員，所以你見我就《工會法》，提了好多次，最大力講嘢，對佢地不滿就係我。而家澳門好多嘢都畀啲傳統大社團綁架咗。呢個係好大問題，對澳門發展亦相當不利。」
他又提到，有議員提出「一B一樓」，認為現時由小朋友出生到大學都要政府支持，打擊青年成長奮鬥的機會，「我哋嗰代點成長？咪又係一家人住一間板間房？」又指「自己講嘢一定得失好多年青朋友、某階層人士。」但認為「自己環境唔好要勤奮，向上流動，唔係人哋推你上去做太子。咁澳門仲有咩前途？」
被問到是否希望續任，馮指「咁敏感嘅嘢。我係委任㗎嘛，我點知『事頭』點睇嘢。」是否希望為市民發聲？「我呢啲另類嚟架，嘻嘻嘻，你唔好問呢個問題。」如行政長官邀請，會否答應？馮表示，視乎社會認為他是否有作用，「如應讓位，咪畀年青人一代囉。冇理由話我唔做，你搵第二位，唔得咁講㗎嘛。」又寄語新一屆議員不要持有為界別謀福利心態，「唔好有個人目的，從個人私利一定做得唔好。應該為全澳未來發展，各方面、民生方面發聲。」
陳明金：感謝市民支持
而上屆「票王」、直選議員陳明金回顧過去12年，指時間過得很快，彷如昨日，未來希望有更多年輕人可進入議會，為大家服務，並多謝廣大市民支持。被問到如何總結過去議會的工作，陳表示，明日會召開總結會，屆時會向大家詳細交代。
官委議員馮志強(左)
直選議員陳明金 (右)
