資料圖片
運輸工務司司長羅立文回覆直選議員吳國昌關於填海新城澳人澳地的口頭質詢時表示，現時填海新城5幅土地當中，除了新城A區已規劃興建32,000個住宅單位外，其餘4區均未有住宅規劃，「28,000係公屋，只係澳門居民可以申請，4,000係私樓，其他4個區唔知，因為今日我哋傾嘅嘢都做唔掂，所以其他嗰啲區我都唔好諗。」又指現時本澳共有47,000個公屋單位，再加上未來慕拉士舊電廠、氹仔偉龍馬路、新城A區的公屋項目，合共有90,000個公屋單位供應，「總共有9萬，我覺得唔係差，係唔少，澳門市民、立法會議員唔使咁擔心。」
羅立文提到，不少議員批評祐漢舊諮會辦事處公屋項目遲遲未落實，「早排出咗統計，祐漢係世界上最密嘅地方，仲要俾第二密多好多，我覺得北區多一間屋都唔應該起，人口超負荷，都無多少少地方去透啖氣，所以我覺得北區係唔適合做多啲公屋，任何屋都唔適合，交通各方面會更加嚴重。」
羅立文亦提及，氹仔偉龍馬路公屋項目的研究工作是由他建議，並且以直接判給的方式外判，「因為可以慳返幾個月，長官話任內再重開經屋申請，我唯一一個地方夠數嘅就係偉龍，因為社會嘈生哂，我哋就要做研究，否則我快咗年幾。如果審計署嚟搵我，我會承擔呢個（直判）責任。但我瞓教瞓得舒服，因為我覺得對澳門係做多啲、做快啲。」
而法務局副局長張涵回應會否在填海新城設住宅限購制度時指，由於新城A區仍處於填海造地階段，政府將會穩步考慮研究工作。但是由於涉及到土地資源的分配、城市規劃等方面，當局需要謹慎處理及聽取意見，暫未有工作計劃，但當局會持續跟進。
