打機 or 魚柳飽？
白鴿巢公園經常人滿為患，不少長者會到附近的快餐店及遊戲機中心打發時間。那些含「幸運」成份的遊戲機，整個下午都圍坐著人，以老年人和中年婦女居多，不斷的投幣瘋狂按掣期望贏更多代幣，不但要回本更想「打到大老虎」。有的長者天天報到，一個下午便玩去200至300元，打機中心的獎品已經不再是小孩玩意，如熨斗、洗頭水、清潔劑。代幣在街外有價有市，可以8折出售直接換錢，變成另類賭博。
外展社工：細路夜晚可以去邊？
想辦多些活動俾班細路，俾佢地有一個發揮的機會，但場地真係好缺。搞Band Show 練習和演出場地都好難搵。試過問學校借足球場、籃球場被拒，公體網長期full booking，好多已經被體育會、團體book左，平時市民都要爭崩頭。大部分活動中心夜晚8點後便關門，夜晚完全無場。如果佢地夜晚真係唔想返屋企，唔想佢地去一些高危隱蔽既地方，咁易接觸到危險的事，深夜更應該有安全既活動場所，新加坡早已有24小時青年中心。
政府定既文化門檻好高，唔係每個細路都有條件、鍾意學鋼琴、小提琴，跳街舞、Graffiti (塗鴉) 、玩滑板、踩單車都很好很健康。但係公園玩又話嘈住人，係友誼廣場、文化中心對開又有可能俾保安趕。跳街舞最慘，有的只能夜晚係無人管既商場內跳。澳門有咁多學校、受資助既文創中心和場所，係咪可以釋放番資源出黎俾社區去用？
台灣捷運地下街也是練街舞的熱門場所。
旅遊塔旁的自由波地是少數24小時開放的球場，但只是臨時性質。
