立法會繼續一般性討論修改控煙法法案，法案建議賭場面禁煙，昨天引起多名議員強烈反對，官委議員馮志強說︰「我日日都吸煙，又唔見我死？」間選議員張立群︰「我吸咗幾廿年煙都無事，有啲人唔吸煙都死。」相關言論引起社會不少迴響，衛生局局長李展潤今日反擊︰「大家可以討論控煙政策，但不能因為反對，而宣揚吸煙有益的言論。」
他指出，從1960年已經開始有無數的科學研究證實，吸煙導致多種疾病，吸煙人士比不吸煙的人士患肺癌機會高30倍，心臟病則高4倍。「我地不能因為個別的例子，就以偏概全，就話吸煙係無害。不能夠話我睇唔到有咁樣既結果，就不相信科學研究結果。」
李展潤表示，自己行醫30多年，見證很多肺癌病人晚期生活過得非常痛苦，「好似俾人捵住條頸咁，透唔到氣，好辛苦。吸煙一定有害，不能因為反對控煙政策，就宣揚吸煙無害的錯誤訊息。」
