佔領運動期間我所聽見的精彩語錄：
「I can’t believe , 警察會好似逗o靚仔咁拍我面頰。」成年人，大學生，前線攝影人士，因佔領運動被迫長期帶全身裝備上街。
「大家拎住個證做野！（好型啊大哥你） 我感覺到，師兄弟都返晒黎！」在職人士，身份不能公開，自發聯同其他同業者一起為佔領運動收集及發佈消息。
「香港以前唔係咁㗎！香港人以前好齊心㗎！」旺角街頭的一位叔叔，向我講述從前香港的士加牌費及天星小輪加價事件，坐在路邊說這句話，表情近乎哭泣。
「我係支持學生嘅，所以我老婆叫我返屋企食飯我都唔返，黎咗呢度先！我都半隻腳行入棺材咯，有咩驚呀？」（「冇乸錯喇！」另一位旺角叔叔和應說。）旺角街頭的另一位叔叔，擁有超強的吹水技巧，多番強調「大家吹水啫」以維持吹水區秩序。
「一架車黎啫！唔洗發晒癲咁！」一位染了頭髮的新青年，或許他看慣大場面，這句穩定了軍心，因為當時有陌生車輛駛入現場，民眾恐防是滋事份子。
「每一晚都是最後一晚，every night is the last night.」在職人士，每晚到不同戰區留守，每晚都不知道香港將會發生什麼事。
「食香口膠係我唯一貢獻。」潘小姐，接受過多家媒體訪問，連日在金鐘紮營。那天建築師傅來加固路障，需要民眾食香口膠補水馬，最後大家吃了五包香口膠。
「我地從來都冇話同中國劃清界線，我地當年每個都話由香港開始帶領佢地走向民主，但去到你地呢代，可能真係資源競爭得太厲害，社會嘅排斥就強烈咗好多囉。」當我虛心地向不同年代的前輩聊天時得到的一番說話，重新思考自己的香港人身份及角色。
「你知唔知開頭班學生日日都去，後來去到好攰，所以有啲返咗黎。因為咩呀? 因為悶呀！你估坐響度咁多日咁易呀？佢地咪返黎幾日再去囉，所以點解冇得快樂抗爭呀？」
當我們討論如何快樂抗爭時，一名老師講述學生的心聲，提醒我們生活與抗爭勿不可分，不然會不足持久。
「運動未失控，所以驚佢會失控。個政府已經失控，所以唔駛驚佢失控。」
某知名人士發表的句子。
