邱小姐 ２１歲 地產經紀
希望崔世安唔好搞咁多事，要做實事，但不要太出位，以及派多啲錢俾市民。祝下一任行政長官好運！
羅同學中六學生
崔世安上任咁耐以來都係食嘢唔做嘢，又經常離開澳門，對澳門居民的生活苦況根本就漠不關心，而且政府既政策都係雷聲大、雨點小，根本就漠視民意。希望下一任特首可以做好自己既本份，廣泛聽取民意先好推行政策，唔好淨係識得落街做騷，忽視市民既真正訴求。
廖小姐 ４０歲 賭場員工
崔特首任任有好多方面做做得不好，例如醫療、房屋、培育人才等等。打工仔都無本事買樓，幾十年嘅樓都買到幾百萬，尤其係中層，公屋又無本事買，夾係中間。仲有，現在通脹好犀利，就算搵兩萬幾蚊個月都係好慘，樣樣都貴，好似去買餸，點解大陸個邊咁平，澳門呢邊咁貴？！希望一下任行政長官做得好啲，市民唔洗捱苦。
一位不願透露姓名的先生
我不完全唔知道依家既行政長官，亦都唔清楚未來的行政長官。
林小姐 １８歲 學生
崔世安任內毫無貢獻！就算係下一任特首，都無乜好期望，都係澳門有錢某幾個人就任，例如現任那個。希望下一任特首可以做好啲，市民唔洗捱苦啦！
湯同學大學生
崔世安任內毫無建樹，好似之前「離補法案」咁，不可能犯了法便不用負上刑責、不用坐牢，退了休又能繼續有錢收。希望下一任特首能夠多聽澳門人的訴求，特別係搞好搭車難同埋交通擠塞既問題，希望下一任特首唔好貪污！
蔡同學中二學生
我對崔世安任內表現既表現無咩太大意見，但對於佢提出又撤回的「離補法案」就印象深刻！希望下一任行政長官能夠永久撤銷「離補法案」，唔能夠俾佢地繼續咁貪落去！
梁小姐文員
希望下一任特首能夠了解更多民生問題，我擔心澳門現時以博彩業為經濟支柱會導致澳門產業結構單一化越加嚴重。身為特首，最重要係以民為本，聽取民意。
