築城危言藝文爛鬼樓
各種小議論

好睇過戲的立法會辯論

築城危言藝文爛鬼樓

文:立法花生客

時間:2013年12月5日 14:14

好戲不只劇場、戲院有(請別說電視有),成為好故事的關鍵,就是能引人說︰「然後呢?」在漫長的人生中,很多人在迷茫的時候,都會覺得不安定,失去方向,「然後呢?」在打從心底呼喊出來。失去方向的人,倍感孤零,求神問卦,塔羅求籤去問前途。當你進行儀式時,不管怎樣,坐在你未來代理人都會似有還無的回答你。

這個城市的「然後呢?」比戲還好看,真的。

自崔世安施政報告開始,然後是陳麗敏,譚伯源,張國華,到昨天的張裕,還有之後的劉仕堯,來到立法會,跟我們說澳門的「然後呢?」

我說了一串名字,讀者們,請不要問我,他們是誰?如果真的不知道,去查一查,真的,很好看,比戲還好看,我沒有騙你?

有多好看?我舉一件事,是我看報紙看來的,不是道聽塗說聽回來的。

話說特首說明年開始要為澳門培養人才,施政報告當日,說了一大堆,澳門人才如何如何培養,怎樣怎樣發展。然後,他的政策頭馬劉本立召開記者通氣會,和記者通通氣,之所以我稱之為通氣會,是因為這個記者會原本地點就是一間餐廳,非常不正式,這是低調通氣會吧。記者們前一天就在謀劃,為什麼政府公佈事項,要到餐廳呢?是不是有好酒好肉茅台龍躉招待呢?有些記者決定,光與會,有東西也不吃,費事雞脾打人牙骹軟。第二朝,劉本立醒目知道唔對路,急急找個政府地方開會,記者問︰「為什麼政府開記者會,要找餐廳呢?」劉本立說︰「因為餐廳老細是我的朋友,比較熟,所以去他那裏開會。也不會設什麼食物招待,只有茶水。」劉本立匆匆講完帶過。誰知有另一批記者話要拉隊走,數個葡文記者不滿意,為什麼政府記者會沒有葡文翻譯?劉本立和旁邊那個看來只講普通話的敎授,也不會葡語應對,急急打電話給那個已經施政報告收工回家的翻譯,叫人家回來(當天好像還下雨)。

這樣的一個劉本立,在給我們城市謀劃人才發展,我們是不是還得問,澳門「然後呢?」

這邊廂崔世安兩天報告和答問完,議會休息之際。廉政專員馮文莊掟出了一個元氣彈!

汪雲代表澳門簽的巴士合約會部唔合法,我日日搭的巴士係非法!

咁樣即係點?

咁樣即係,特首已經去完議會,下一次去唔知幾時,又冇打算就巴士非法營運去多次,崔世安過了骨。過幾個禮拜之後,到劉仕堯去立法會,例必帶埋汪雲,果時三十幾個議員一人一口炮打埋黎。

在此之前,好似所有工務運輸司會講一句話︰「呢單野我老細睇過!」劉仕堯話佢老細都知道巴士合約如何的,即係話,唔好賴晒佢。

馮文莊在特首退到幕後才掟大炸彈,究意是有人叫佢咁做,還是馮文莊護主特登拖幾天?不得而知,總是中彈的是劉仕堯和其部將汪雲吧。

各位,好不好看?好過無線劇集多多聲啦!

仲有。

本來好地地,無乜事發生,到張裕出場時,叫梁勵交行貨就得。

點知出左一單新聞,就是14歲劈母少年。突然之間,好多議員突然關心有幾多個失學兒童,有咩措施防止,梁勵講左一大堆行政程序,點之到最後,日日五蚊日報有條新聞︰「上學年千人輟學四成結案」哈哈,這只是上學年,上上學年呢?上上上學年又點呢?那劈母少年好似失學了超過一年。而且,只得四成「結案」咩叫結案?冇講,應該係唔理佢地掛。

咪住?政府唔係話要生產尐人才出來咩?敎青局唔係以人為本咩?唔係有敎無類呢?咁結案又算係咩呢?

中學都讀唔到?人才從大學培養?即係點?

各位,係咪好好睇呢?一件件事擺在眼前,冇乜人答出個所以然。

咁樣,偷渡客打死生果鋪阿叔單野,發生係張國華報告之前,班議員係咪要追住張國華問︰點解會有人偷渡架?有咩措施去遏止呀?要唔要加強、加強、加強、加強打擊偷渡,咁樣呢?

在全國境內,除了香港,就只有澳門的議會有野睇。真的,又好笑又好看,好睇過無線劇集。

我知啦,你話唔知邊度有得睇嘛。二零一三年十二月三日(一二三事件四十七週年)當日最多發行量那份五蚊日報報的議會新聞,去到B1才有,本地區大事排在A疊的「馬年紀念幣明訂購」 、「澳加書畫展促交流慶回歸」、「八廚師獲國家頂級認證」等新聞之後,咁即係話佢未必想第一時間比你睇到。

還有,議會直播搞左幾耐,連賀一誠都講唔出話真係想搞定係唔想搞。咁就知道佢地有幾想大家知道佢地開乜會啦。

各位,議會辯論仲有劉仕堯咋,真係好好睇的,昨日馮大炮對張裕時又爆SEED︰「(話說張裕看到某女士)馮強回應張裕的經歷說︰『推算一下,這位女士一定身形曲條,體格風騷,面若中秋之月,色如春曉之花,鬢若刀裁,眉如墨畫,目若秋波,露時如若笑,睜時如有情。係咪咁啊?我希望你瞓覺個陣時小心啲,你老婆係隔離啊。』」廟堂之上叫官員小心老婆,我估淨係得佢。

我們城市的未來,就是在他們手中。

「然後呢?」然後點樣?你想唔想知?

有咩好睇得過,拿自己屋企的前途出黎【玩】!

玩命幾時好睇,睇你識唔識睇。

大家有冇留意,平時常常乜都評論既人,而家好多都好似冇乜評論咁喎。唔好叫我講邊個啦,自己數下手指啦,有幾多個呢?

如果想睇議會新聞邊度有?咁就梗係睇論盡媒體啦!

各位有冇留意,我無講乜乜司長,物物局長。佢地咪又係人一個,同明星尐名幾似丫。

除了我們小城,隔離埠梁振英封左個新官,叫做新聞統籌專員馮煒光。佢唔做官,都幾適合做明星架,佢個官有幾大?我估差唔多好似我地新聞局長加埋政府發言人咁上下啦。

比張相大家睇下佢靚唔靚仔?

1479527_10151801941922393_1698138346_n