退休人士陳先生
唉，香港邊個做都艱難啦，（澳門呢？）澳門？澳門都無得揀，就算有得揀都係大財團同社團買晒票啦……」
在湊孫的中年婦人
有點失望，我支持唐唐的！覺得他個人比較有學問，團隊亦較務實……澳門啦？嗯，我反而不太關心澳門是否有得選特首啊，都沒有甚麼選擇啦。
理髮店老闆
我支持梁振英的。他看來較為親民，接近草根……澳門直頭應該有直選及普選啦！很希望個社會有改變，現在都不知道變成了怎樣子，但我們根本無得揀。
職青鄭先生
預左狼當選啦，中央欽點架嘛……澳門冇乜民主架喎。就算有，如果那些大財團，或老細幫手拉票的話，我們這些做下屬的，只會跟著支持吧。大家都想澳門好嘅。
報紙檔婆婆
咩選舉，咩特首？無留意，不知道呀，不關心啦。關我咩事？！
文員李小姐
有留意香港的特首選舉，咪睇戲咁睇囉！八卦新聞一樣……我覺得澳門不一定要，而且也不能像香港那樣的。因為主要的媒體都由政府資助的嘛，無監督功能既，就算澳門有特首選舉辯論，都只會係做騷咁做吧！加上香港貧富懸殊咁嚴重，市民反對聲音才會那麼大。澳門現在還很靠阿爺帶挈，不可能要求太多……雖然現在啲官嘅施政好明顯衰過以前，但因為仍然人人有工開，所以我不認為，會推動到甚麼政制改革囉。
回流發展的杜爸爸
個人覺得香港這次特首選舉很難看，無具誠信的候選人……但澳門因為經濟仍然很好，根本沒有人關心政治。我自己在加拿大長大，感到澳門這邊的管治差很遠，日後一旦孩子長大了，管治仍然那麼糟的話，我的孩子仍有後路，可以回加拿大生活。
高中生梁同學
嗯，同學之間都有討論特首選戰的，我支持梁振英，因為唐唐為人太唔掂。期望澳門都有類似的選舉辯論，但其實又覺得可能性不大吧。因為澳門都無言論自由嘅，很多事情都是欽點了啦。
中學生阮小姐
香港特首選舉？無乜留意喎，估唔到梁振英贏囉！因為當初明明欽點左唐唐嘛，提名時唐唐最高票的嘛，點解最後係梁跑出？…… 澳門呀？澳門人都唔關心㗎啦。就算有特首辯論，都唔會做到香港咁既答問質素啦。平時都無乜公民教育，老師同學亦都唔會討論呢啲話題。
八十多歲獨居婆婆
我整個早上都好擔心呀！（擔心甚麼？）最擔心那個「肥仔」（後來確認理解為何俊仁）會當選，佢同長毛都係攪亂檔架啦，跟個黨對抗的！（那唐梁冇問題咩？又僭建又婚外情又黑社會喎），僭建你澳門街有邊個無呀？婚外情喎，以前我地既年代，個個官都有婚外情啦，何厚鏵都認啦！黑社會？邊個知呀？我本來想要啊唐做嘅，起碼佢以前有在政府做過嘛，以前佢做官既時候，又唔見啲傳媒咁批評佢？長毛那些就真係阻住地球轉，阻住香港發展了！
