賭場新防疫措施朝令夕改員工︰俾政府同公司玩到氹氹轉

文：論盡採訪組

網址：https://aamacau.com/?p=89369

時間：2022年06月28日 14:14

(資料圖片)

原定明(29)日實施所有賭場人員，包括顧客、員工均須持有48小時內核檢陰性證明，而博企員工上班或進入賭場前當天須有快測陰性。不少賭場員工今日在烈日當空下排了兩個鐘頭隊才完成自費核檢，但隨後博監局就宣佈，經與博企溝通後，上述指引將於7月1日上午7時實施。

不少賭場員工鬧爆政府朝令夕改，「搞完一輪得個吉」，「今次真係俾政府同公司玩到氹氹轉」，認為當局應思考清楚才去推動新防疫措施。有賭場員工表示︰「為咗聽日返工個個一早出來排隊又熱又曬，有人中埋暑，真係唔知講咩好，好多人約唔到跨區，去青茂條隊仲誇張過全民核酸，唔係仲增加感染風險？」亦有賭場員工表示︰「早講啦！等個個今日衝晒去做！做完抗原-再全民-再自費⋯個鼻同口真係好忙！」

亦有市民批評︰「政府官員一向做事方式，『邊改邊做，想法離地』要廣大市民跟政府指引，但同時用指引『戲弄』市民。公職就是『天龍人』，做錯事不用被追究責任，人工收足，工夫做一成。」「不如6月最後個日先公報呀，我朋友休咗幾日無薪假，明天準備返工，啱啱先去完自費核酸站檢測，佢話人多到咩咁，又熱又多人，好驚奶嘢，早d講就唔洗排餐飽（全民核酸佢昨早己做咗今日係為咗明天返工而做)腦殘膠官又一偉績，班腦殘係咪想測試我們蟻民既忍耐力呀？」

有賭場之前的通告指出，新防疫措施於6月29日執行。(網絡圖片)

博監局︰與博企溝通後決定7月1日實施

博監局新聞稿稱，為配合特區政府總體防疫工作，根據衛生局6月26日發出「本地疫情期間娛樂場等公共場所減少傳播風險的措施」指引規定，全澳娛樂場新增多項防疫措施，包括所有進入娛樂場範圍的人員，包括顧客、工作人員及公共部門人員，均須持有48小時 (即採樣日及之後2天) 內核酸檢測陰性證明、博企工作人員上班前或進入娛樂場前當天快速抗原檢測為陰性等措施。

上述有關博彩員工做核酸檢測費用、快速抗原檢測包等，均由博企負責及提供。經博彩監察協調局與博企溝通後，博企積極配合特區政府的防疫政策及作出適當之安排，上述指引將於7月1日上午7時實施。

博監局將持續加強對娛樂場的防疫巡查，敦促博企做好各項防疫措施，保障娛樂場內客人與工作人員的健康安全。