即時報道
即時資訊、特別報道、即時評論。

議員關注租金貴 樓價高 特首:樓價貴我哋係知道嘅

即時報道

文:記者小聚

時間:2021年04月13日 19:19

行政長官賀一誠回應議員提問。

行政長官賀一誠今(13)列席立法會全體會議回答議員提問。直選議員李靜儀表示,市民捱貴租、樓價高,不少適婚人士排經屋難亦說明住屋需求;認為政府在公屋的土地規劃上須滿足市民需求,讓市民安居。賀一誠回應時表示,政府必須重視房屋問題,是重中之重。「樓價貴我哋係知道嘅,(所以)點解會推咁多樓出嚟,留咁多地方出嚟起(公屋)。」

賀一誠又指,社屋數量基本上已滿足需求,不會再以社屋為主經屋為輔。目前政府以經屋及夾屋為主但亦兼顧私樓,三樣要兼顧及平衡。又強調,不存在私樓及公屋之間爭奪土地資源。

賀:不能讓7成私樓變負資產

考慮到本地房屋市場規模,賀一誠認為私屋的數量要有所控制,「市場就係咁大,起咁多私屋亦賣唔到,澳門現存空置私屋唔少,因為價錢高,賣唔到同埋空間較大⋯⋯存在問題。」又指,「以後我哋對私屋,都要求實事求是,唔好起咁大,若全部起晒豪宅,唔適合澳門人嘅市場,要適應澳門市場睇金額,同銀行貸款、首期等有關。」

賀一誠強調政府必須計算經屋、夾屋的真正需求以免以私樓變負資產。「大家都知道,我係最鐘意睇數值嘅,大家一定小心當我哋(公屋)樓宇去到某個程度嚟講,仲有一批持有本地70%私人樓宇的人,唔可以產生負資產⋯⋯唔係話保護樓價唔跌,如果今日若70%私有財產全部負資產,我哋社會變咗乜嘢?一定要兩邊平衡,要真係知道需求量。」

政府解決住屋問題未停過  賀:跟我步伐係好辛苦

賀一誠又表示,明白社會關注住屋問題但冀社會給予時間,政府已不斷改進公屋質量。政府須做好相關指引,要求工作細緻,要挑好建築材料,「喺交屋比大家時,要盡呢刻能力做得最好」。又指,政府在改善公屋相關的問題不是簡單的事,針對房屋問題政府亦「未停過」,「跟我步伐係好辛苦⋯⋯但我們一定要去做」。

政府於本年2月拋出兩個有關偉龍公屋項目新方案,稱旨在改善居住條件。兩方案建議,公屋單位數目由原來計劃的6,500個減至4,000至5,300。回應偉龍公屋項目時,賀一誠表示,政府仍未拍板選哪個方案,但政府希望能提供較好的居住環境。「(若)大家認為嗰度要起到咁密為宜,我哋都冇所謂都可以咁去起,但屋唔係住一年兩年佢起碼係50年,咁係咪適合呢?所以呢個係我哋考慮。唔係澳門一啲土地都冇,已經盤活好多土地,有土地資源點解唔為居民嘅住屋環境稍微寬鬆少少呢?相差嘅2,000(間)一定會揾到地方起埋佢」

他又關注到或因為樓價太高,影響適婚男女的生育意慾;又指政府在未來興建公屋時會考慮是否需加兩房或三房單位。