議員關注A區人口密度高及交通設施配套 羅司:「我唔係神仙 盡量做」

即時報道

文:記者小聚

時間:2020年11月4日 22:22

 

資料及效果圖由工務局提供

運輸工務司司長羅立文及一眾官員今(4)到立法會介紹新城 A區城市規劃研究。在回應多名議員關注A區人口密度高、居住環境以及交通設施配套時,羅立文回應指,在A區的138公頃規劃9.6萬人居住已是事實,對交通一定有壓力,唯有面對、解決問題,一步步完善A區交通設施,但強調,「我唔係神仙⋯⋯面對問題,盡量做啦」。

羅立文指,據他了解A區原初的房屋規劃只是萬六或萬八,為了回應當時社會的訴求故增加到目前的3萬2千。 即使目前A區狀況若如一杯「苦茶」都只得照飲,因為這是回應當時社會要求的結果。他表示:「希望大家記番嗰故仔,呢度有個故仔。你(議員)應該清楚過我,我當時唔係度。初初A區係好住嘅地方,係萬6、萬8(住宅單位)⋯⋯點解萬幾變3萬幾?嘈了嘛,要求了嘛。」又指「因應要求、變咗三萬啦。死啦,好多人好密呀,而家交通點搞呀?你想我而家點呀?我都唔知點!⋯⋯苦茶係咁,按照張單嚟執,飲囉,係大家要求嘅嘛。」羅又承諾政府會盡量解決問題,若解決不了就將問題縮小。

訂閱每月紙本

A區總面積為138公頃,共規劃3.2萬個住宅單位,共9.6萬人口。根據規劃研究,A區規劃目標為建設以公屋為主、完善民生配套、支援中小企業發展的城市濱海新門戶地區。 公屋及私樓用地面積佔新城 A區的 3成1,有 43.36公頃,分布在人工島的北區、中北區、中南區和南區,以 2.4萬個經屋住宅單位為主,約 4千個社屋單位則佈局在北區中央綠廊及輕軌站點周邊;另約 4千私樓單位則分布在中南區和南區。該研究可在工務局網站查閱及下載。目前,A區有3個地段即B4 、B9及B10地段已經展開公屋建設。

議員關注公屋興建進度  羅司:「開波希望開到2萬幾 離場只得3千起好」

多名議員關注A區公屋興建進度,羅立文回應表示,在其任期完前都只能建好3千公屋單位。「我開波希望開到2萬幾,但我散場就得3千,係去年開始B4 、B9及B10地段⋯⋯我只睇到嗰3千」。

羅立文表示,到2024年A 區北面地段全部的公屋興建項目應該可以全部展開,但不表示完成。他稱,政府需要時間完成A區公屋項目,完成一個公屋建築項目需要大約 5年時間,「我呢一任去到2024年,做完都係得3千個公屋單位」。同時強調政府有信心可以讓合資格市民恒常性申請社屋而且在「合理時間」內上樓。他又指,未來四年的工作量大,但人手有限,「若我有能力都做多啲 」。

 公共工程若一次過推 本地業界「啃唔落」

羅立文又表示,擔心若一次過推出太多工程,本地業界未必能應付,希望公共工程可以有序推行。「但突然推咁多工程出嚟,出面啃唔啃得落呢?」「唔想隔幾年又少番嘢做,要平衡下。係唔係要谷得咁犀利?三、四年谷得好犀利,之後就好似拍烏蠅無嘢做,大家都要睇一睇。」