即時報道黑熊BOBO事件簿
即時資訊、特別報道、即時評論。

大批市民上街反對會否取消BOBO製標本? 戴祖義︰人多可解決事情就唔需要我哋係到

即時報道黑熊BOBO事件簿

文:論盡採訪組

時間:2018年11月22日 21:21

民署堅持要將BOBO製成標本,引起社會強烈反彈,不少市民都表示準備好上街抗議。民署管委員主席戴祖義被傳媒追問,若果有大批市民上街,民署會否改變收回成命?戴祖義說︰「我覺得凡事講道理啫,如果人多可以解決事情嘅,唔需要我哋係到啦,係咪啊?」

他又指現時很多網民不理性,「講得非常肉酸」。又稱,曾見到有其他網民反駁得相當聰明,「好似問咗一個問題,你哋講到有血有淚,有幾耐無探過BOBO呢?呢啲人就即刻消失曬。」戴祖義說︰「所以,要對一個人好,對一隻動物好,請在佢在生的時候對佢好,而我哋民署三十幾年盡咗力對BOBO好。」民署上下都為BOBO的離世感到哀痛。民署亦設置了悼念區,認為已經照顧了市民的心情。

戴祖義又說,將BOBO的遺體制成標本,是參考其他地區的經驗,有利推廣科普教育。他說︰「BOBO的歷史腳印應該要延續,亦係俾人感受到佢既存在,標本可以延續佢嘅影響力。」他認同VR或圖片等方式在某程度上亦可以達到科普教育的目的,但再深入一點,例如科學研究、物種鑒定等方面就可能做不到。

至於民署之前從未提過將在路環籌建「動物標本展示博物館」,BOBO離世後,市民才突然收到這消息。戴祖義說,有關決定是管委會去年作出的,因為民署現時有300件標本,很長時間無公開展覽,認為是時候建博物館,希望明年第四季建好。他又說,由於是民署內部設計,所以「慳返」設計費。

戴祖義又說,希望市民可以平心靜氣看待今次事件,理解民署的做法並非對BOBO不敬。立法議員蘇嘉豪突然「亂入」問到︰「咁邊個理解澳門市民的心情?」戴祖義隨即拉蘇上前說︰「我唔同你拗呢啲嘢,你想攞分嘅,行前啲。」

蘇嘉豪說︰「我唔係要攞分,而是剛才大會唔夠時間問。除了標本可以延續BOBO的影響力之外,是否有其他方法?」

戴祖義反問︰「你覺得咩方法好?」

蘇說︰「可以做雕像,土葬、樹葬,建紀念碑……」

戴說︰「依家已經有紀念碑,製標本係科學的角度。」

蘇說︰「我哋好難接受得到一個澳門的老朋友,將佢挖晒所有嘢出黎,淨返假的眼珠,假的皮毛,俾市民咁樣去望住,咁樣有啲咩既科普意義?BOBO唔同一般的野生動物……」

戴說︰「明白明白,我哋既出發點都係希望延續BOBO的歷史腳印……我希望大家可以理性的角度去睇呢件事,好嗎?」

查詢及刊登網上廣告:[email protected]