#056 消失的味道論盡紙本
「美食之都」的焦點並非味道與生意,而是食物與人之間的關係。除美 食之外,教科文 的「創意城市網絡」亦有其他範疇,包括電影、文學、音樂、手工業和民間藝 術、設計和媒體藝術。由此觀之,不難發現教科文將「美食 」看待作藝術的種類之一,如同設計、文學、電影一樣,需 要不斷創新,且與城市的每個人有所連結。不諱言,澳門確 是有深厚的美食「老本」,卻一直未有發掘論述。澳門特色 是否只有 土生葡菜?甚麼是澳門的美食文化?如何演化延續澳門的美食精神, 正是「美食之都」應該思考的課題。 . 每月一號出版 售賣地點訂購表格廣告聯絡電子版

澳門冰鮮不敵內地新鮮 美食討論氣氛欠奉 網上食評人:我都應該要退休

#056 消失的味道論盡紙本

文:論盡

時間:2017年12月27日 15:15

「現在會出大陸食,因為(澳門)雞冇雞味,雪雞又唔好食,出大陸真係新嘅天地,啲嘢新鮮,係唔同。」網上食評人One Man 坦言,現時澳門外出用餐的「中伏率」高,欠缺新鮮食材亦令菜式味道的吸引力大減。「冇雞腸,冇鴨紅,超唔開心。去打邊爐,佢話係雞紅,跟住佢俾豬紅你,硬說是雞紅。」於是倒不如到內地去。「現在出大陸買餸唔算平,但新鮮、選擇多,都係贏。現在大陸的餐廳企理之餘又坐得舒服,有得上網,唔同以前。」

說起澳門成為「美食之都」,他也不以為然。「澳門人本身不會Care(在意)這個,都係得啖笑,聽完就算。澳門人心入面都有把尺,邊啲好食,邊啲唔好食,唔會好認真咁對待『美食之都』。」

(圖片提供:老陳)

老闆欠堅持 菜式也「照騙」

大家覺得「美食之都」名不符實,問題究竟出在哪?One Man 認為,原因分兩方面。首先,是很多老闆因為各種原因都無法堅持自己想做的菜式。「見到流行甚麼就即刻轉軚。本來在做茶餐廳,見到酸辣粉、水煮魚很多人吃,就無啦啦在餐牌上加麻辣菜式,純粹加點辣椒醬,又不加個會煮川菜的廚師,好食極有限。最慘是後來連本來的菜式都不做了。哇,真是看到我心累。」

但為吸引客人「上釣」,好些老闆往住會在網上發佈吸睛的相片,再加上文藝的標題。「我都好中招。例如『海洋精華』、『食完後心都暖埋』,好觸動心靈嘅Caption,令到人期待更高。」然後赫然發現貨不對版,又稱「中伏」,「好似俾人呃咁。最慘就係講到『海洋精華』、『心都暖埋』,但我又食唔到海洋精華,淨係食到味精,個心又唔暖。」

「我都明租好貴,人工好貴,人好難請,但我都俾咗錢㗎嘛。」他無奈道。

冇人再睇文字食評 「我都應該要退休」

另一方面,現時大眾都貪新鮮,很多時外出用膳也不過想為沉悶的生活帶來一點娛樂,故既不志在討論,亦不喜歡看字。One Man指,Instagram等相片社交平台已開始取代文字博客。有其他食評人會在博客分享不少食物文化與典故,他表示非常欣賞,亦從中學到不少,但亦同時覺得真正會閱讀的人可能不多。

「現在寫Blog已經好沒落,我覺得我都應該要退休。」他半開玩笑說,「現在大家轉曬Instagram或者微博,唔打字。現在啲人都唔睇字。啲人都同我講:你打咁多字我唔睇,我淨係睇相。寫Blog係冇未來的。」

而且留言不少都是攻擊,或就一句說他是「打手」,然後句號。「我其實好想有人同我傾偈,但冇。」這風氣不僅在他的專頁發生,在不少網上美食群組中亦有出現。「讚唔係一個風氣,鬧係一個主流。讚就一定係打手,總之『插』就多人支持你。」

但雖然氣氛是一片批評,但他認為,好的味道始終會有人欣賞。「平嘢都可以做得好。好多嘢細節處理咗,品質就會好。」