2017施政辯論報道即時報道

料輕軌車資補貼將超越巴士 羅立文:要為下幾代人去諗

2017施政辯論報道即時報道

文:論盡採訪組

時間:2017年12月6日 20:20

新聞局圖片

在昨日的立法會運輸工務範疇施政辯論上,運輸工務司司長羅立文回應多名議員就巴士加價的提問時提到,現時政府每年要向巴士公司支付達10億元財政援助,而現時每程巴士費的成本達到6.6元,居民使用「澳門通」搭巴士的2元車資不及實際成本的3份之1。

羅立文在今日在會上最後發言時坦言,對於交通政策,任何工作不做都是選擇之一,「但我無做呢個選擇。我有推咗某啲政策,未必個個人同意。但我想大家信一樣嘢,我無其他嘢要諗,只係諗要澳門好,要澳門市民好,同埋要加多句,要為下幾代人去諗。」他指出,現時每程巴士的營運成本為6.6元,「居民一般畀2蚊,剩低4.6元就係10億。你哋話我知輕軌日後要補貼幾多?更多!」

他指出,輕軌2019年開始營運之初,因氹仔線路程較短,預料載客量不會太多,但當線路愈來愈多,更多人乘搭輕軌,「條數仲大個巴士!差價大,補貼更大。我嘅範疇,落order就做,因為社會谷我哋做快啲,但係後邊嗰幾代嘅營運都要睇。」